Hawile hna,tuhi Thailand lei nihcun Thlangsamhnah hi tu Covid rai kham le damter tu siittha si tiah biatak in an zalh cuahmah ko. Rakhine pa le bang nihcun nandam lo cun ka hnawngtan ka ngamh ati e tiah an langhter. Aser ning, tlangsamhnah hnah 30 kha tio hraithum he na chuan lai i hriakhat a taan tiang an chuan lai.
A haang na zet hnuah daihter law mah haang cu zing,chun le zanlei ah na din lai,na ekkhal don ah cite tlawmte taktak phulh/paih angah. Ngakchia sile darkeu fate khat in nikhatah voithum a din ve lai. A tangah video um.Ka ttialni a tlamtling dih lai lo,a tawinak in caankar lak hun tenhmi si caah video link ka chiahnak si. videos/. Crd- William HC,
Thawng dang: Myanmar – Bangladesh chawlehnak Lam Khar A Si Covid zawtnak zual lei a phanh chin lengmang caah Kawlram le Bangladesh ram pahnih chawlehnak (border trade) cu dinhter chung a si hnuah ni khiahmi um lo in khar a si. Bangladesh lei ah thilri (commodities) phorh nak Sittwe Shwe Min Gan chawlehnak.
Sakhan le Mongtaw Ka Ngin Chong chawlehnak sakhan hna cu July 15 in 31 tiang kharchung dingin timh a si nain atu cu khar lawlaw a hau cang tiah Rakhine ralhrangbu council chungtel U Than Htun nih a chim. Ramhnih chawlehnak lam hi covid voi 1 nak le voi 2 nak a phanh lio 2020 kum cheuh hrawngin khar a si i, ralhrangbu nih uknak a lakh nu April 13 ah hon than a si i,
April le May thla 2 chungah US dollar 4383057.79 man tiang chawlehnak a kal hmanh tiah Rakhine ralhrangbu council nih a chim. Mah chawlehnak lam in a lut mi hi T-Shirt, Plastic Water Tank, Metal Water Pot, PVC Tank, Iron Road, Wheat hna a si i, Kawlram leiin a chuak mi hi thingthei, Nga, Pe, Ongti, Coffee mix, Hri le ei mi thil pawl an si.
Kawlram in kuat mi hi US dollar 4344124. 19 man le a lut mi hi US dollar 38933.60 man a si tiah theih a si. Chawlehnak lam an khar mi kong he pehtlaih in sipuazi riantuan U Khin Maung Kyi nih ‘covid lio a si caah chawlehnak hmun le hmun dangdang riantuan hna zong an har cio mi a si.Mah hi cozah, chawlehnak rianngeitu hna zong nih timhtuahnak tha in tuah a herh.
Covid a karh deuh ahcun kan har chinchin te lai.Mah caah cozah nih aw-ka lawng si loin a taktak in a kan ruah piak a hau tiah a chim. Rakhine ram ah covid zawtnak hi Bangladesh leiin a rak kir mi lawngpu hna sinin hmuh a si hnuah a chawn mi a si i, July 29 tiangah mi 160 leng an thi cang i zohkhenhlio mi 800 leng an um tiah theih a si.
Atu hi Rakhine ramkulh chungah hmundang bantukin Bank in phaisa chuah a har ruang le rian tampi dinter a si i, cozah zung hna an khar caah rian ngeilo mi an tam. Sii, ei din le thilman zong a kai tikah mipi harsatnak zong nikhat hnu nikhat a zual lei a panh thluahmah tiah theih a si.crd- the chin post.
Leave a Reply