Tidim Peng Chungah Mipi Vengtu Hriamtlai Phu Le SAC Ralhrang Karlak Kahdohnak A Chuak, Minung Umnak Inn 3 Mei Kaang + video

Chin ramkulh Tidim peng chung Hti Zan khua pawngkam ah nawlngeihnak latu SAC rahrang ralkap le mipi vengtu hriamtlai phu karlak ah January 13 zinglei sml 10:00 hrawngah kaphnih kahdohnak a chuak i, SAC ralhrang ralkap (7) an thi i, mipi vengtu hriamtlai phu leikap ah hliam tuarmi umloin an i zukphiak kho tiah theih a si.

Chun sml 2:00 hrawngah Hti Zan khua, coffee dum chungum inn pathum (3) hna cu SAC ralhrang ralkap nih mei an khangpiak hna tiah theih a si. Kum 2022 January 12 ah Kalaymyo in SAC ralhrang ralkap (100) lengkai hna cu Lai ramchung ah an hung kai hna i, Khiang Kam gate ah mipi khualtlangmi hna cu phihkham hratin anmah sinah an kalpi hna tiah theih a si.

Cucaah kannih mipi vengtu hriamtlai phu leikap ah zeiti hmanh in cawlcangh khawh a si ti lo i, SAC ralhrang ralkap hna cu Hti Zan khua ah zaan riak in an umnak a si. Kum 2021 Dec 25 ah nawlngeihnak latu SAC ralhrang nih an tlaihmi Civic Defence Militia (CDM) Siyan ralkap pakhat cu lamhmuhsaktu dingah an hruai nain amah pa nih cun SAC ralhrang ralkap kuttang in luat dingin a zaam tak hna.

Atu caan karlak ah hin Taingin khua ah mipi vengtu hriamtlai phu simi PDF Zoland, Siyin, Zogam Army, People’s Defence Army (PDA) hna i fonhin kahdohnak tuah ding an i timh tuah. Zeitik caan paoh ah kahdohnak hi a chuak khomi dirhmun a si cang caah mipi leikap nih khualtlawng tlungkal rih lo dingin kan in nawl hna. Crd- the federal times. Video zohnak a link khitthitnews/videos/ a si.

Rel chap: Kalaymyo Sianghleirun In Chin Ram Ah Hriamngan In Vawi (4) Bak An Kah! Chin ramkulh Tidim peng Hein Yan khua pawngkam cu January 16, tuzing sml 8:00 hrawngin Kalaymyo Sianghleirun in hriamngan hmangin vawi (4) bak an kah. Kahdohnak cu a chuak lo nain SAC ralhrang ralkap nih meithal zuun (5) hrawng an puah. Cupinah Kalaymyo Sianghleirun in hriamngan in vawi (4) bak an kah, a thawng a thang ngaingai, vawlei tiangin a tlerh/hninh. Crd- the federal times

Leave a Reply

Your email address will not be published.