Tih A Nung Tuk Mi Hitler Nationalism Le Chin Nationalism

Nationalism Tihnung A Sining: By Laiki Chozah (26.9.2020)

German hruaitu Hitler hi Power lak a duh tuk ruangah German mino le mipi hna kha miphun dawtnak lungthin an ngei khawhnak dingah a lem hna i mino le mipi khamtu, chuahchantu tluk in a ruah. Mipi nih thimnak ah Hitler cu an pek taktak ve i German mipi hruaitu a si khawh ve.

Hitler lungput Nationalism theipar cu ram le miphun caah damnak, hnangamnak si loin rawkralnak tu a si. Hitler nih German Hruaitu a si cangka in Jew minung million (6) a thah hna. Vawleicung Ralpi (2)nak 2nd World War a chuaktertu zong Hitler a si. Ralpi (2)nak ruangah a thimi minung tampi an si.

Nationalism hi ngei ding a tha ko nain a luan tuk tikah cun thil țhalo tampi a chuakter, buainak tampi a chuakter. Nationalism hi a luan tuk ahcun miphun le ram caah rawkralnak a chuaktertu a si. Patriotism timi miphun dawtnak lawng hi mipi caah damnak, hnangamnak a chuakpitu a si i Nationalism hi cu ram le miphun hrawktu hmanh a si khawh ve.

Hitler ngeihmi Nationalism cu a luan tuk caah German ram le miphun caah thihnak le rawkralnak tampi a chuakpi bantukin kannih CNLD hruaitu pawl i Nationalism zong a luan tuk ahcun Chin ram le Chin mipi rawkralnak le tihnungmi dirhmun a phan kho ve.

CNLD hruaitu le tanhtu pawl nih Chin minung si i mah party tanh duh lomi cu miphun zuartu tlukin an hmuh. 2020 Thimnak result a chuak tikah an lungput le Nationalism an ngeimi cu mipi caah hngalhnak zong a si lai. Hitler ngeimi Nationalism bantuk a si ve ahcun Chinram le Mipi caah tihnung a si te lai.

Credit: Laiki Chozah