Tlanglawng Nih Bus A Pah Lio CCTV Video, Minung 20 Leng An Thi (+ Video)

Nihin 11/10/2020, Sunday zing ah tlanglawng hnih Bus a pah i minung 20 leng an thi tiah theih a si. Thil sining cu nihin October 11 ni zinglei sangah Thailand ram, Bangkok khualipi pawng ah khualtlawng phurmi Bus motor pakhat le thilri phurmi tlanglawng aa pah suual i a tlawmbik minung 20 an nunnak a liam pinah minung tampi nih hliamhmaa an tuar tiah tuanvo ngeitu hna sin in theih a si. VOM nih a tarlangh.

Cu accident a cangnak cu Bangkok khualipi in nitlaklei Kilometer 50 hrawng a hlatnak Chachoengsao State, Khlong Khwaeng Klan buda ah a si i anmah Thailand caan zinglei suimilam 8 am hrawng ah si ti si.

Bus cungah hin khualtlawngmi minung 60 nih an cuang i anmah cu an biaknak Buddhist he aa pehtlaihmi Conference kal ding in Chachoengsao State ah a ummi Phungki sianginn a kalmi an si tiah District police officer pakhat chimh ning in theih a si.

Tlanglawng nih a pah lio ahhin Bus cu tlanglawng lam cung a phan he aa tong sual i, cu hmun cu lam hngaktu le lam khamnak a um lonak hmun a si tiah The State Disaster Management Department nih an chim.

Cu accident ruangah hliamhma a tuarmi hi minung 29 tiang an si cang i a thimi le hliamtuar an tam deuh kho tiah The State administrator nih a chim. Atangah tlanglawng lam a tan liomi khualtlawng phur Bus cu tlanglawng pi nih a van pah lio video an thlak chinmi zoh khawh a si.

https://www.facebook.com/100047407688445/videos/185561319700790/

Ref. CNA

Leave a Reply

Your email address will not be published. Required fields are marked *