Po Po Pyae Sone tlangval ngeih kong le an ithen thannak kong cu minthang pawl thlithup a phuan tawntu Han Nyein Oo nih nihin ah mipi theih in a pholangh than. Cu kong he pehtlaih Po Po Pyae Sone tlangval thing nih kan ituai lo hawikom sawh kan ti tiah a fb in a tarlangh ve caah Po Po Pyae Sone nih a tanglei bantukin fianternak a tuah colh ve.
A tialmi cu; Atu Ko Han Nyein Oo nih a tarmi ka tlangval pa kong he pehtlaih in fianternak tuah ka duh. Han Nyein Oo nih a post mi cu ka chungle nih an hmuh i an ka cam caah hnon piak ding in ka chimh. Hlan deuh lio i ka rak i tuaimi cu a hmanmi a si ko. 2017 kum lio a si. Cu lio ah kan hawile cheukhat zong nih an theih ko.
Mah lio ahcun amah (atlangval Min Thway Khant) zong zeihmanh a si rih lo. Thlahnih hrawng lawng kan rak ituai i kan iphiat than. Cucaah amah zong ka thinlung chungah a um ti lo. Keimah zong amah lung chungah ka um ve ti lai lo. Cucu atu lawngah amah nih “kan ituai lo, hawikom sawh kan si” a ti caah cu a postmi hnon ding in ka chimh tikah keimah tu mihrut bangtuk ka cang ko.
Atu cu mipi nih keimah tu “minthang a duh caah e, cele si a duh caah e tiah an ka soisel caah ka tuar kho ve ti lo. Midang siloin ka theihmi lila zong nih cu ti an ka ti tikah ka ngaihchiat ko. Keimah lei in cu a zeizong te a fiang ko. Thil dik kha cohlan in thil dik lo kha al ding si ko. Amah nungak thing ka simi cu mipi nih an theih ruangah keimah ca zeihmanh thathnemnak a um lo. A herh zong ka herh fawn lo.
Atu fianternak ka tuahmi zong hi hi kong hi atu dihter ka duh caah a si. Breaking news bantukin Han Nyein Oo nih a post mi zong a palh lo. Mah pumpak caah lih le lih in chimh a hmangmi zong a palh ve lo. Nu le nu zawnruatnak ngei loin a chim sawhmi a fans pawl zong an palh ve lo. Hi post phiat ding in a nawltu keimah palh deuh a si. Post phiat ding ka nawlmi kaa ngaihchit tuk. Cucaah hi kongah ahohmanh nih chim ti hlah uh. Kaa lawm.
Note: Keimah maw ka hman, amah maw a hman timi theih a duhmi nan um ahcun tehte minung, cakuat, hmanthlak tampi an um. Asinain cu tluk in buai ka duh lo caah nan ka zumh duh le ka zum uh law, nan ka zumh lo le ka zumh hlah uh. Fianternak ka tuah ti lai lo.
Source: Po Po Pyae Sone
Leave a Reply