Kan Kawlram zong hi zei le zeidik a chuak hoi cang. Nizan ah Nanmatu myo, Panthapyae khua pawngah tleirawl nute pakhat cu meikanghnak hliamhma he lam um kalmi hna nih a ruak in an hmuh tiah theih a si.
Hi tleirawl nute a thahtu zong kawl cuahmah lio a si, a thimi tleirawl nute zong cu ahodah asi timi theih fiang a si rih lo caah kherhhlainak an tuah cuahmah lio tiah theih a si. A fanu a tlaumi an um ahcun pehtlaih khawh le hal khawh kan si tiah source nih a tarlangh.
Hi minu a thih ning hi tlaihhrem hnu ah mei in khangh hna sehlaw aa dawh. Cucaah comment tialtu hna zong nih “hi bantukin mi a tuahtotu hi cu tlaih in thihdan hmanhpek phu a si tiah an lungfahnak an tial len. A cheu nih Victoria case he an tahchunh hi a thahtu theih lo in a case a dih te lai tiah comment tu zong an um ve.
Kawlram cu tihnung chin lengmang ko. A luancia kum 10/20 hrawng ahcun cozah ralkap nih nu (a hlei in tlangcungmi nu) an tlaihhrem i an thah beh tibantuk a rak um pah tawn. Nain tu kum khat hnih hrawng ahcun ralkap lawng si ti loin mi sawhsawh cheukhat tiang an lor cang i ngakchia kum tlinglo ngakchia tlaihhrem ti bantuk a tlawm hrimhrim ti lo.
Cucaah nu nih iralring a herhnak cu hi bantuk thawngpang tete nih in ralring a kan pek tawn. Nu a ngeimi nulepa zong nih nan fanule pawl tha tein zohkhenh thiam le cawnpiak thiam a herh ngai cang. Iralring cio hna hnu usih.
Source: Sai Chit Thu
Leave a Reply