Tony Robbins nih zumhnak/ruahchannak kong atial hawhchawnhmi hi nang zeitindah na hmuh ve ning asi? Nangmah tah zeibantuk zumhnak dah naa ngeih? Tony Robbins nih a chimmi cu, zumhnak timi nihhin na nunnak lamthluan ah hlawhtlinnak an hmuhsak khotu zong asi ati. Cuve bantuk in na zumhnak nih hin na nunnak lamthuan ah sunghzatlaknak lam an hmuhsak khotu zong asi ve ati. Cu caah Hawi dawt hna nang zeibantuk zumhnak set dah nang nazumh ning asi timi hi naa fian ve hrim dingmi cu asi. Hihi tha tein I check ve hrim ding na si. Zumhnak timi cu hi pa (2) hi a um tiah alangh termi cu asi.
Empowering Belief: Na nun lamtluan ah teinak/Hlawhtlinnak an hmuhsak khotu, thanchonak an pee khotu zumhnak:
Limiting Belief: Na nunlam thluan ah sunghnak/tum chuknak lei an panh tertu zumhnak hi an si hna ati.
Hawi dawt hna na chan chungah hlawhtlinnak he khua-awng Ka pem ko lai tiah na ruat ve kolo maw? Hodah sunghnak cu kan duh lai? Silo ah hawi bantuk in khuasa kho menmi ka si ve ko lai tiin dah na ruah? Hihi cu na lungchug tein rak i ruat ko. Zeibantuk in na ruah zongah a hman ko. Hlawhtlinnak he ka Nunchuang khuasami ka si lai tiah na ruah sile cucu nan nunnak lam nih an hmuhsak dingmi cu asi ko. Minak in a niam deuhmi ka si lai nati zongah a hman. Minak in sang deuhmi ka si lai na ti zongah a dikmi asi ve ko. Nain zeibantuk zumhnak dah na thim? Zeibantuk zumhnak dah na duh? Tony cu a kum 21 asi ah Mipi kha Training pek dingah timtuahnak arak ngei cangmi pa asi.
A hawile nih na kum ano tuk rih hibantuk training tuah ding, ahcun na tonmi le na theihmi zong a um rih lo caah tuah rih hlah tiah an rak ti. Zeihmanh hmuh tonnak zong na ngeih rih lo caah hohmanh an rak chuak duh lai lo ti hna in an rak ti len. Mahti ruahnak an pekmi kha an palhmi cu asi hrim lo, anmah ruah ning cun arak hmanmi kha asi ve ko. Ka kum zongcu a rak notuk hrim rih ko ati ve. An rak ka timi cu na kum 30-40 na sitik ah traing hna Cu tuah law atha lai an rak ka timi kha ka philh lo. An ka chimhmi cu ka ngeih piak ko hna, nain kei nih cun an ruahnak pekmi cu ka rak Pom khawh phun cu arak sive ruam lo.
Aruang cu, keimah i kaa ngeihmi Ka tuah khawh hrim lai tiah Zumh ngamnak( Empowering Belief) ka ngeih caah an ruahnak pekmi cu ka co hlan lonak asi. Asi kho lailo timi ruahnak/zumhnak (Limiting Beliefs) kha kei nih cun ka rak ngei bal lo.
Ka hawile ruahnak pekmi bantuk cu kei cah cun asi khomi asi. kholo, na no tuk rih, Hmuhtonmi zong na ngei rih lo, na cawnmi zong a tlawm tuk rih, training na tuah ballo, timi hna kha rak i zumh ning law ka Chan chungah kaa palh bik dingle, zumh sualnak ngan bik ka tonmi pakhat an rak si ko lai. Nain keinih kaa rak i ngeihmi cu ka tuah khawh lai, ka sikho hrim lai timi Empowering belief nih khan lung thawnnak tampi an rak ka pek cang.
Mah nih cun sunghnak lam cu ka panh kho lailo timi kha a ka hmuhsak lengmang. Limiting belief hna cu rak ngei ning law, ka kum no tuk rih, ka hmuhtonmi zong a tlawm tuk, ka cawnmi zong tlawm tuk rih, training zong ka tuah bal lo tiah tuah loin rak um ko ning law, cucu sunghnak lianpi pakhat ka rak ton he khan a lo lai. Apalh ngaimi ruahnak lianpi zong a rak si fawn lai. Nan chan chungah sunghnak lianpi pakhat zong arak si fawn lai.
Ka hawile pawl nih tuah hlah tiah an rak ka ti lio ah, ka ruahmi cu hihi asi. Kum timi cu number 1-2 men (Age is just a number) asi ko tiah ka tuak men ko. Kan kumkhua nih hin minung kan nunnak ah Lai arel ding asi lo. Kumkhua hin minung kan sum kan i tah ning asi lo. Kum upat deuh ruangah Fimnak tam deuh an thiam lai timi hna hi a rak hman dih lem lo. An Kumkhua upa deuh ruangah an fim deuh lai timi zong hi a rak hman dih lem lo. An theih deuh theng lai lo.
Tuchan ahcun, kum note nih Hruaitu dir hmuh ah tampi an i chuah cang. Facebook ngeitu pa (Mark Zuckerberg Created Facebook) Cun Larry & Sergey created Google, Ritest Agrawl OYO Hotel ngeitu, tibantuk mino nih hruaitu an simi nih thazaang tampi an ka pek ve. Cu ruangah ka hawile nih ruahnak pekmi cu ka cohlang kho bak hna lo. An ruahnak pekmi kha rak cohlang ning law kum 30-40 ka si hnu zongah an ruahnak in a nung ding ka rak si rih ko lai. You are too late! Too young to start? Nangmah bantuk kum note zong nih Training an pek dih cang hna, tu ahcun na kum upa tuk cang, training petu dingah na kum upa tuk cang tiah an rak ka ti te lai ding kha ka rak theih chung cang. Cu ruangah an ruahnak pekmi cu ka ngeih piak hna nain ka cohlan piak hna lonak cu asi.
Na kum no tuk ee tiah limiting belief a um bantuk in na kum upa tuk cang ee tiah limiting belief timi kha a rak um ve thiamthiam lo. Cu caah mi chimhmi poah kha zumh lo ding asi. Cu caah pakhatkhat tuah naa timh tik ah mi pakhatkhat nih na kum no tuk rih, na kum upa tuk cang na tuah kho lailo an in ti tik ah, an biatu cu va ngeih piak hna law an ruahnak pekmi tucu va zul hlah. Nain keimah kaa tinh ningin kum 21 ka si ah training cu ka thawk tak ko. Suimilam pakhat ah $1,000.00/hr in Company ngeitu hna cu training pek cu ka thawk khawh ko.
Ka chim duhmi cu mino pawl nih ka kum ano tuk rih, ka thiammi a tlawm tuk rih tiah Limiting belief nan ngeih lo dingah ruahnak pek kan duhmi hna asi. Kum upa pawl zongnih keicu ka kum upa tuk cang ka tuah Kho lailo tiah limiting belief nan ngeih lonak ding zongah ka chim duhmi asi. KFC ngeitu ( Donel Sanders) zong hi kum (60) asi hnu lawngin Sipuazi tuah a thawkmi pa asi. Kum (60) hnu hmanh nih Millionaire an i chuahpi khawh ko tung. Vawlei ramkip ah KFC Company a ngeih zong nan theih ko lai. Kawlram tiang hmanh ah company a rak ngeihmi pa hi kum (60) asi hnu in sipuazi tuah a thawkmi pa asi khi.
Kha pa nih khan ka kum upa tuk cang tiah rak i ruat sehlaw tubantuk in KFC timi hi arak um rihlo kho menmi asi.
Keinih ruahnak pek kan duhmi hna cu, na kumkhua upa ruangah siseh, na no tuk ruang siseh, na fimthiamnak tlawm ruangah siseh, na hmuhtonmi a tlawm ruang siseh, khakha tuak hlah, mah ruahnak kha kaltak i zuam. Mah na ruah khawh hnu cun Empowering belief timi kha ngeih i zuam. Ka tuah khawh lai, ka no tilo, ka no ruangah tuah khawh loin ka um hrim lailo timi kha lung thawnnak kha i ngeih peng dingin kan sawm hna. Chinmi nih Empowering belief hi i ngeih ve cang dingin kan sawm hna. Bawipa nih Chinmi thluachuahnak he lam kan hruai chin ko seh. Moses Lian, USA.
Credit: Moses T. Lian
Leave a Reply