Thantlang khuami Malaysia in a ruak an rak tlunpimi kan far kan naunu Sui Hlei Tial ruak khua chung luhter duhlonak ruangah Thantlang Covid-19 runvennak committee cu mawhchiat ngai an si i vawlei cung Laimi vialte nih lungfahnak langhter cio a si.
Cu kong he pehtlaih in Chin ramkulh cozah tiang a phan cang i nihin ah Chin ramkulh cozah zong nih thawngfianhnak an tuah pinah cahmai pathum a ngeimi cathanh zong an chuak chih. Cu cathanh chungah Chin World nih a tarlanghmi tlawmpal te a tanglei ah ka van tarpiak chin hna.
Nungak Sui Hlei Tial ruak phumnak kong he pehtlaih in Covid-19 zawtnak runventu committee nih an khuakhannak vialte cu Chin miphun nunphung kan upat lo ruangah mah ti khan an khuakhanmi si loin, kan palhnak a um ahcun dawtnak in kan tuahmi palh a si hnga tiah Chin ramkulh cozah nih cathanh an chuakmi chungah an langhter.
Tutan thil sining he pehtlaihi in Thantlang Covid-19 zawtnak runvennak committee nih Covid-19 zawtnak a chuaknak hnga lo le, zawtnak a karnak hnga lo le, runven khawhnak hnga caah Sui Hlei Tial ruak khua chung luhpi an khammi a si i, Chin miphun nunphun upat lo ruang i an khammi a si loin le, Thantlang pengkomh chung Covid-19 an kham khawnak caah kan farnu Sui Hlei Tial ruak an khammi a si tiah Chin ramkulh cozah cathanh an langhter chih hi a si.
Chin ramkulh cozah cathanh cu cahmai pathum a si i Lai in van let ding a tam deuh caah a tanglei ah an hmanthlak in kan van tarpiak chih hna. Kawlca a rel kho paoh nih tling tein rel dih khawh a si.
Chin ramkulh cozah cathanh chuahmi cahmai pakhatnak 
Chin ramkulh cozah cathanh chuahmi cahmai pahnihnak 
Chin ramkulh cozah cathanh chuahmi cahmai pathumnak 
Chin ramkulh cozah cathanhmi point panganak ah Chin ram cozah nih fahtuar chungkhar phaisa Kyats sing thum an bawmhnak zong an langhter chihmi hmuh khawh a si.
Ref: Chin World
Leave a Reply