Tu zingah Mon ramkulh, Kyaikmayaw myone, Chaunghnakhuah High School cu mei nih ciam lak in a kang dih tiah theih a si. Mei a kangh hi ttek tlaknak in aa thawkmi a si ti si. Atangh a video tarchih a si.
Nihin August 28 zingah ttek tlaknak a um hi a si i mei zong an hmih khawh cang. Nain cacawnnak khan pawl cu mei nih ciam lak in a kang dih manh tiah source nih a tarlangh.
Hi ca post tangah Cho Thazin Oo nih comment a tial ning cun hi sianginn umnak hmun hrawnghrang hi mifir damiah an tam ngainak hmun a si i kokek thil zong nih an celh lo ruangah tu bantukin ttek nih a tlak ko hi tiah comment a tial hi a si.
Vanchiat vanthat ah tu lio cu sianginn kai lio a si lo caah minung an him. Sianginn kai lio siseh law meikanghnak lawng si loin ttek nih minung zeimaw zat nunnak a la kho tiah comment tialtu zong an um len ve.
Source nih a tarlangh ning in ttek tlaknak in mei a kangh ti si i ttek nih hi bantuk tiangtiang meikanghnak a chuakter hi a voikhat theihnak zong a si. A video le a hmanthlak zohnak ah meikangh hi a zual ngai timi fiang tein hmuh khawh a si.
Mi pakhat nih cun hi bantuk sianginn ahcun ttek khamnak thilri bunh awk a si. Siangngakchia pawl ca hrimhrim ah a him lai i hnangam deuh a si hnga” tiah comment a tial ve. Nai zong ah Kachin ramkulh chungah sianginn pakhat a kang ve. Cucu ttek tlak ruangah si loin mei in aa thawkmi a si ko.
https://www.facebook.com/zinmoe.official/videos/1065952943834314/
Source: Zin Moe
Leave a Reply