Raifenh ngeih i khuh khuh pah hnuah siizung a phanmi pawl cu an cuap 50% ah Fibrosis Tissue tha a der tuk cang caah a tlai tuk cang ti si. Cucaah Taiwan siibawi pawl cu zingkaa an thawh cangka in mah le mah Corona virus ngeih le ngeihlo i cheknak ah a tanglei bantukin an tuah tawn tiah theih a si.
Na thaw fakpi in na dawp lai i second 10 chung thawchuah loin na um lai. Cu ti na um kho i khuh khuh lo, thawpit lo, thabat lo in fawi tein na tuah khawh ahcun na cuap ah fibrosis Tissue hmape a um rih lo tinak a si caah na cuap a phin rih lo i na dam rih ko tinak a si. Cucu mah le mah i chek ning a si i ni chiar zingka na thawh ka in tuah peng ding a si lai.
Atu vawlei ram tampi nih an tuarpimi Covid-19 zawtnak hrik thar cu minung cung a phan hnu ni 0-24 chungah zawtnak sining a lang ti si. Zawtnak hrik ngeihka ahcun zawtnak theih khawh a si lo caah ahohmanh nih ka zaw ti i theih a si lo ti si.
Covid-19 virus nih a ttihmi phun 7 hna cu, ultraviolet light, 56 Degrees Celsius High Temperature, thli lut chuak a thatnak innkhan, Chlorine rungrul thahnak sii, zu (elcohol) 75% aa telmi sanitizers, atu le tu kut tawl lengmang, thisa that le thazaang that pawl hi Corona virus nih a ttih hna ti si.
Corona virus i runvennak phun 8 an um. Cu hna cu, 1nak mitku vuai tein it ding, 2nak zing rawl caan hman tein ei peng ding, 3nak dinchin (lessi) din piak peng ding), 4nak khanchuan (vankhawng) tampi in ei piak ding, 5nak khuaihliti le aitthing ti, retei hang ding piak ding. 6nak chun ah lakphak ti din piak peng ding, 7nak exercise caan hman tein tuah piak ding (atlawmbik zarhkhat voikhat tal), 8nak a tu le tu nitlang to pah ding hna an si.
Covid-19 hrik cu 0-24 chung keuhnak caan a lak i rungrul ngeih hnu zawtnak a langh lo zongah cuap chung cell nih a linhmi a khan kho ti lo caah taklinh, raifenh, khuh khuh ti bantuk a chuak ti si.
Sizung phan ding dirhmun ah hin cun cuap a cheu nak tam ah zawtnak rungrul a khat cang i, thlawp ding a fawi ti lo ti si. Sii lei thiamsang hna nih kan cuap a hrawknak hnga lo, thaw fakpi chuah peng ding in ruahnak an cheuh tawn.
Khuh khuh, tangfah, thawpit le thaw chuah har ti bantuk a um rih lo ahcun cuap nih zawtnak hrik a tei rih tinak a si. Zingka na thawh cangka in cunglei kan langhter bantukin nangmah tein i hneksak law, nitlang to khawh peng zong i zuam ah a tha. Careltu nan dihlak Pathian nih hi zawtnak chung in in luatter hram hna seh.
Source: Dr. Khin Moe Moe (Observation and surveillance of Covid-19 from Songkhla Nakarin Hospital)
Leave a Reply