Tu Lio Zawtnak In A Dam Hnu Ah Waibargi Sii Zung Ah A Thi A Lut Mi Mi Singer Ni Tar

Tu lio zawtnak in a zaw ve mi hlasa thiam Ni Tar cu covid-19 zawtnak in a dam hnu ah Waibargi siizung ah a thi a hlut tiah thei asi.Hla sa thiam Ni Tar cu kawl ram ah hlasa thiam lei in min thang mi pakhat asi. A nih cu saya David lah hruai nak in pum khawmh nak an tuah nak in covid-19 zawtnak cu a ngei ve i waibargi sii zung ah a rak i thop.

Covid-19 zawtnak a dam hnu in may ni 9 in ni may 21 tiang Facility Quarantine a lut than. May 28 ni in a um nak a inn ah a kir than nawl a ngei cang tiah thei asi. Hla sa thiam Ni Tar nih a chung khar hna a ngai tuk cang hnanak zong a lang ter. Singer Nitar cu Facility Quarantine a lut dih hnu ah covid-19 zawtnak a rak ngei lio i a rak i thopnak waibargi siizung ah kir i a thi cu a van lut.

Cun a zaw lio i a rak zoh khen tu hna siibawi le saya/mah hna upat pek nak caah hla fungli zong a sak piak rih hna. Siibawi te le saya/mah hna zoh khennak thawng in damnak a hmu than caah an cung ah ka lawmhnak langter nak caah hla hi ka sak piak hna tiah a chim.Cun a fan hna caah thawngpang tha zong achim chin rih a rau hlan ka mipi hna sin ah hla thar he ka rak i lang than cang lai tiah a chim.