Thantlang ah Thla 9 Bawhte Telh in Khuami 4 an Hliamh Hna, Nihin Thantlang khuachung kahdohnak ah thla 9 lawng a si rihmi bawmhte telh in khuami sawhsawh minung 4 hliamhma an pu, tiah thawng kan theih.Hliamhma a pumi minung 4 lak ah kum 15 a simi Nu Jenifer hi a hliamhma a fak i, a dang pathum hi hliam fak lo an keng hna. Nu Van Hlawn Cui le bawhte James Van Bawi Lian cu inn ah an ttin kho cang.crd-TCJ,note- Hliamhma a pumi hna cu:a tang I kan angter mi hmanthlak hi a si.
Ca dang relchap; Thantlang khua chung kahdohnak ah a tlawmbik ralhrang pahnih an thi, inn khat a kaang, September 9, Chun hnu Suimilaam 1:30 hrawng in Thantlang khua chung ah kahdohnak a chuak i a SAC raalhraang lei in pahnih an thi, hriamnam ngan nih a tlak mi inn khat a kaang tiah kan theih.
SAC ralkap pahnih cu CB Bank pin lam cung ah an thi i an ruak an laak cang hna. Mah hnu ah ralhraang nih ningcang lo in khua chung ah hriamnam ngan an kah ca ah inn pakhat a kaang,” tiah Thantlang khua mi pakhat nih The Hakha Post ah a chim. A kaang mi inn cu Biakinn sang, Thlaanmual lam ah a um mi Pu Chan Vung inn a si i hriamnam ngan nih a tlak ruang ah a kaang mi a si tiah kan theih.
Kahdohnak ruang ah khuami nungak pakhat hliam hma a pu i hmapu dang zong an um kho, SAC raalhraang lei zong hmapu an tam kho tiah kan theih. Rammi lei in siseh, SAC lei in siseh, hma a pu mi le inn a rawk mi zat kan fehter kho rih lo.crd-the hakha post. Mah hi hmeh /videos/9 a si.
Franch ah hrambunh mi ramri ngeilo thawng la tu (Reporters Without Borders) BSF nih a tuah mi Media hna zalonnak a dotu cazin ah ralhrangbu hruaitu Min Aung Hlaing cu telh a si. Mah cazin ah an telh mi hi media riantuantu hna tlerhkhonh pinah media zalonnak hnahnawhnak pek, a domi ram hna cu telh an si i, minchiatnak lei ah minthang mi China president Xin jinping, Russia president Vladimir Putin, North Korea president Kim Jong-un hna telin minung 37 an i tel.
Reporters Sans Frontieres (RSF) nih a langhter ningah ralhrangbu hruaitu hna hi 2011 in telh an si cang nain February 1 uknak a lak hnu media hna zalonnak a phih, an tlaih hna, thawng an thlak hna ruangah ralhrang cawlcanghnak an tuah ti a thar in an langhter duh ruangah a si tiah theih a si.
RSF cazin ah ASEAN ram 10 chungin Philipine president Dodrigo Duterte, Singapore prime minister Lee Hsein Loong, Cambodia prime minister Hun Sen, Vietnam prime minister Nguyen Xuan Phuc, Thailand prime minister Prayut Chan-o-cha hna an i tel. Hongkong chief executive Carrie Lam le Bangladesh prime minister hna cu BSF nih media zalonnak a dotu ram hruaitu nu cazin ah an telh mi hna an si.
Ralhrangbu nih nawlngeihnak an lak nak hi atu ah thla 7 leng a si cang i, mah chungah hin ralhrang kut in nunnak a liam mi 1000 leng an si i, tlaih mi le thong an thlak mi ah media lei riantuantu le ralhrang a domi civil mi hna zong an i tel.
RSF nih an thanh mi world media freedom index ram 180 chungah Kawlram cu 140 nak ah a um i, Media zalonnak a um lo cem mi ram 5 hna cu Eritrea (180) nak, North Korea (179) nak, Turkmenistan (178) nak, China (177) nak le Djibouti (176) nak hna an si.crd-the hakha post.
Leave a Reply