Mandalay khuachung ah lamzawh mi,Mino 7 tlaih an tong Mandalay,Patheingyi peng Gankouhkhua ah minung umnak inn pakhat cu tuzing ah rallokap le palik phu hna nih luhhnawh in an tlaihhna, nifatin lamzawh ah a thawh mi 7 an si ti in an tlaihhna hi a si. An tlaihmi hna hi minung 7 an si,2 cu hliam an tuar” tiah palik lei chungtel pakhat nih a chim.
Meithal kuan hliam a tuar mi,2 chung ah pakhat cu a pang ah an khen caah a hma a fak ngai, thinphang a si ko tiah theih a si, atu tlaihkhih a tong mi hna hi Myatawng le Mandalay mino hna lamzawhnak i tlaih a tong mi mino an si. Nihin zinglei ah Mandalay university lamzawhnak cu khuachung motor sawh te he ra in mi tlaih nak an tuah ah pa, pakhat zong tlaih khih a tong tiah theih a si.
A luancia mi July 29 zaanlei ah , Mandalay khuachung in mi cheukhat hna cu tlaihkhih an ton nak kong ah Nah-Sah-Kah nih thawng an langhter ning ah theih khawh a si tiah Voice Of Myanmar nih a tial.crd-the chin post.
Ca dang relchap; Puai Dih Hnu Ah Aung La Nih A Thinhung Buin A Chimmi Pawl: Nihin Aung La nih aa thongh hlan deuh ah a chimmi cu keimah hi amah (Leandro Ataides) a tih an ka ti. Cucaah ka ttih hrimhirm lo timi langhter ka duh caah tuan tein thongh ka duh. Middleweight ah ahohmanh ka ttihmi an um lo” tiah a chim. Biahalnak: Puai dih hnuah Chairman Chatri Sityodtong (Chairman and CEO) sin na kal i, bia na chimmi kan in hmuh. Zeidah na chimh?
Aung La: Keimah Champion ka si lio ahcun a zumcawhtu (singkhawtu) an tam ngai. Ka chim dih ko ahcun, Welterweigh Champion Abbasov (Kiamrian Abbasov) hmanh nih a rak ka singkhaw. Cun Yoshin Okami, Bigdash hna zong an um rih. Cu ti a si tikah mithinlung a hliphlauter khotu puai thatha ser khawh an si. Puai ser rih ko hna uh sih. (Anmah pawl kha i thongh ka duh a ti duhnak a si.)
Biahalnak: Atu caan ahhin Champion taisawm singkhaw than ding in ready ka si ko tiah naa ruat maw? Aung La: Zeibantuk fan hmanh nih a nuam lomi puai an zoh duh lo. Cu a si caah mi thinlung a thawhtertu puai pawl ser dih ko hna uh sih. Keimah pumpak zong nih ONE Championship mipi pawl an thinlung a hliphlauter khotu puai bantuk lawng thongh ka duh. Hi ka hmun in Kawlram mipi dihlak caah thlaza campiak ka duh. Tu kum cu kanmah vialte caah harnak kan ton kum a si.
Abiapi in Kawlram chungah tu bantuk harsatnak an tong cuahmah lio ah keimah caah cun Gym kal in timhtuahnak ngeih hi kaa harh bak ko. Tuanvo ngeitu hna zong nih keimah ca lawng zoh loin Kawlram mipi hna an hmailei caah khuaruat chit uh ti kan duh hna,crd-chinland news agency.
Leave a Reply