Tutan CDF- Paih Puai Cu Salai Chim Cia Bang Biak Hmun Sang Nih Theinak A Hmuh+Video

By-Salai lungthli tum; Biak Hmun Sang hi ka lawmhpi lawng si loin ka upat, kum tam taktak ai zuamnak a theipar atu ah a co a si. RLC minute 2 ah a tei khawh cu a mak ko. Cakei ciammam. Rung Lian Ceu zong uar a um, Lai paih tuanbia ah pathawng minthang bik tiah theih zungzal a si ko lai. Muhammad Ali hmanh sungh caan a ngei. I zuam than. Biak Hmun Sang telh in Lai paih a uarmi dihlak nih kan i zohchunhmi pathawng na si zungzal kha i philh bak hlah.

An I paih hlan deuh I a tial mi: Runglian le Thawnglian nikum an i paihnak kha nan zoh cio ko lai, an i tei khawh lo caah ttangkop tiang an phan i RLC nih khel khat lawng in a tei khawh. Mah hi zoh tikah Runglian zong hi a sung caan aa nai ve cang tiah ruah khawh a si.

Biakhmunsang hi a thangcho tuk, a thawng tuk cang. Nain, a lungrang tuk tawn i a sung sual lengmang. Tuni ah lungsau tein a paih ahcun a tei ko lai. Tsunami a lomi Runglian a kehlei vangkhen khi ai ralrin taktak a hau.

Thawng dang relchap; Ralhrangbu Nih Karen Ram An Riahbuk Pakhat An Chuahtak Karen ramkulh Kyainseikkyi peng Kyeik khua ah a ummi ralhrangbu riahbuk pakhat cu August 20 zinglei ah an chuahtak. Ralhrangbu nih an chuahtak hnuah KNU/KNLA ralkap an ra i, an riahbuk cu vawlei cawhnak seh in an hrawh i, inn zong mei in an khangh dih tiah theih a si.

Hi ralhrangbu riahbuk hi 1997 kum ah Saw Tu Mu He hruaimi KPF hna ralhrangbu kut ah an i pek hnuah ralhrang nih riahbuk ah an rak hman mi a si.Hi riahbuk ahhin ralhrangbu 30 hrawng an um tiah theih a si. Hi kong he pehtlaih in khuami pakhat nih, zinglei suimilam 7 hrawngah Kyaitung lei ah an thilri le hriamnam vialte phor in mawtaw in an i thawh cang.

Kahdohnak zong zeihmanh a um lo tiah a chim. KNU/KNLA liberated area cheukhat ah ralhrangbu nih an riahbuk an chuah tak mi hi atu nai hrawngah a um pah len tiah Karen Information Center nih a tial.crd-the chin post.

Leave a Comment

Leave a Reply

Your email address will not be published. Required fields are marked *