Tuzan Croatia Cu Vanthat Ah An Awng Sual

Croatia cu vanthat ah an awng ti usihlaw kan chim sual tuk lai lo dah. Tupin hi cu an kai lai ka zum lem ti lo, 2018 lio kha cu an tluk lo tuk cang. Japan cu ton hmuhtheih an rak ngeih tlawm, an pumrua nih a tlinh lo, tlik le high ball ah an cawl kho lo deuh. Asinain ka ruahnak lengin an thawng, forward cak taktak pakhat i ngeih hna sehlaw an i cahpi ko hnga.crd-Chelsea Bawi.

Thawng dang: Kachin Baptist Church( KBC) Hruaitu Dr.Taklam Samson Cu SAC Ralkap Nih An Tlaih. Kachin Baptist Church(KBC) Chairman hlun Dr.Taklam Samson cu SAC ralkap nih, nizan December 4 ah Myintgyina in Mandalay a kal lio vanlawng bual ah an tlaih, tiah theih a si. KBC pastor pakhat zong nih, “SAC nih an tlaihmi cu a si ko. An tlaihnak a ruang cu fiang in kan hngal rih lo.

SAC ralkap le KIA kar kahdohnak a zual caah hro le cer in an tlaih hi a si ko lai,” tiah a chim. Dr.Taklam Samson cu a luancia 2019 June thla lioah Donald Trump he Inn Raang pi( White House) ah tonnak an rak ngei i, Donald Trump sinah a rak chimmi bia ruangah dantat dingin Northern Command in SAC ralbawi pakhat nih biaceih zung ah a rak chuahpi.

Donald Trump he an rak i ton lioah Dr.Taklam Samson nih, Kachin ram kahdohnak a fah ning le Khrihfa mi hna tang thlak an tonnak kong a rak chim. Cu kong he pehtlai in Dr.Taklam Samson le Min Aung Hlaing cu Mandalay ah tonbiaruahnak an rak ngei i, rualremnak an rak ser khawh.

“Donald Trump he an rak i ton lio i a chimmi kong he pehtlai in Min Aung Hlaing he tonnak an ngei i rualremnak an rak ser khawh ṭhan ko. Asinain atu tan an tlaihnak a ruang hi hngalh fian a har ngaingai. An chuah ṭhan te lai maw thong dik an thlak te lai ti cu hngah a hau rih ko, tiah Kachin mi hna sinin theih a si.

KBC Chairman hlun Dr.Taklam Samson cu Kachin mi hna ca ah rumra a ngeimi le thil ti kho ngaingai mi hruaitu pakhat a si, tiah theih a si. Rev. Dr. Hkalam Samson cu nihin December 5 ah an thlah ṭhan cang. Thailand ram Bangkok ah a hawile he meeting kai ding in timhtuahnak an ngei i, SAC ralkap nih ramdang chuahnak nawl an pe lo, tiah theih a si.crd-the chin post.

Leave a Reply

Your email address will not be published. Required fields are marked *