Kawlram pumpi ruanak pe tu Aung San Suu Kyi cu rampi a daw taktak mi nusal ttha pakhat a si. Mah tluk kawlram uk nak a rak chit lio ah a nunnak pek ngam tiang in le a dawt mi a inn chungkhar hna tiang kal tak in kan kawlram pi uk nak a tthat nak ding caah lam pi a phunphun kawl in a rak cawl cang mi a si.
A ram caaah a nunnak pek ngam tiangin a rak cawl cang mi kan pi Aung San Suu Kyi cu kawlram pumpi ah zukcawl lemcang thiam lei long hlah hla thiam lei hrimhrim zong in a min a thang mi actress singer Chit Thu Win a pa U Zaw Win nih a zuk hmanthlak cu a rak suai I an pafa in a facebook ah an rak tar.
U Zaw Win nih kawlram pumpi ruanak pe tu Aung San Suu Kyi zuk a rak suai mi, A sual lam lam le a suai tupa ruahnak ah cun; Pi Suh cu, Kawl pawl biakmi Buddha nak hmanh in a huham ngan deuh, tinak a si ti si.
Buddha nak fim, Buddha nak thei, zeizongte hmu khotu vawlei minung hrinmi sawh si lo. Thlapa (cuu) dang minung phun a si, ti khi si. Nain Nationalist Buddhist pawl hna nih Daw suh cu mipi nih uar ngai mi nuza nusal ttha bak a si ko.
Nain Buddha pathian he bang hna pi suh nupakhat na tahchunh cu, tiin minthang Chit Thu Wai a pa nih pi suh zuk a suai mi cu an duh lo caah, U Zaw Win le a fanu Chit Thu Wai cu june 25 thla ah khan Thinkangyun pengkulh biaceihzung ah sihni U Aye Paing nih taza cawi nak ca cu a va chiah.
Sihni U Aye Paing nih taza cawi nak ca a rak chiah mi cu tuni July 9 nii ah Thinkangyun pengkulh biaceihzung nih co hlang duh lo in an hnon piak hna tiah thei a si.
Leave a Reply