U Kyaw Moe Htun Thahnak Ding Khuakhang Bik Tu Pa An Theih Cang

Kawlram aiawh UN YANMAR Ambassador U Kyaw Moe Htun thahnak dingah khuakhang le ahnulei in fialtu cu, U Aye Ko timi pa a si. U Aye Ko cu, Construction and Hotel lei riantuanmi si tiah theih a si. Aye Ko timi pa hi mitam-u theihnak ahcun A.K tiah auh le theihmi a si i u Aye Ko nihcun Ye Heing Zaw kaltlang in Phyo Heing Htun sinah $ 4000 akuat(transfer) tiah an langhter .

Ye Hein Zaw le Phyo Hein Htun pahnih hna cu,U Kyaw Moe Htun thah timtu an si tiah USA ram FBI nih an rak tlaihmi hna an si . U Aye Ko le Ye Hein Zaw an hringtu pa hi hi special investigation office director simi U Aye Thu he hawikom tthatuk an si tiah an langhter.
Ye Hein Zaw cu,Bangkok company palai rian ka pek lai tiah U Kyaw Moe Htun thahnak ding hritlai tu nihcun a ti hna.

Phyo Hein Htun le Ye Hein Zaw FBI nih an tlaih hna hnu khan Ye Hein Zaw chungkhar cu U Aye Ko nih ttuanvo a rak la nain tucu an pehtlai kho ti lo tiah theih a si. U Aye Ko cu Thailand um si ko nain , Construction and Industry Company Limited zung in pehtlaihnak an tuah nain zung nih an pehtlaih khawhnak lo thlakhat arau cang tiah theih a si. Ye Hein Zaw cu aamahkhan in a chungkhar nih chuah an duh ko nain aamahkhan liam ding tangka atam ngai caah an tawlrel kho lo.crd- chinland 7post

Thawng dang: Hriamnam hme hna hmang in kahphak khawhnak hmun in himnak dingah ralrin awk.Hriamnam hme hna hmang in na pawmgkam ah an i kah tik ah na umnak hmun kha tlakrawh inn a si ah cun a chung bik a sinak hmun ah um khawh nai zuam lai.Thlalangawng umnak, lenglei in fawi tein in kuanfang a van luh khawhnak hmunhma ah na um lai lo.

Acung lei kan chimmi himnak hmun ah na um tik ah facang tun, these tun, mirang vawlei tun tibantuk in nai thuhnak hmun kha na kulh lai. Kahdohnak thawng cat loin na theih ah cun ihkhun tang, cabuai tang tibantuk ah hmunhma lak ding. Kahdohnak thawng a deih hlan lo na himnak hmun ah um ding,

Asikho na loin thialkam a hauh sual ah cun a lawn in na lawn lai, na cungin an tlak kho dingmi thil hna tha tein na ngiat lai.Kahdohnak thawng na theih bak in lengchuah i va zoh, pawngkam ah hlat hlai tinban tuk, tuah lo in inn chung ah himnak hmunhma lak ding.

Ka inn a himlo ti na ruah ah cun ai neih bik nak inn ah ralringtein le rangtein thialkam khawh nai zuam lai.Inn na chuah tak lai ah, inn chuahtak lai i ralrin dingmi thil hna kha tha tein zulh hnu ah na chuah tak lai.Na inn kha luhchuahnak hmanmi lamkam ah na um ah cun himnak caah fak deuh inn timhtuah nak na ngei lai.crd-the chin now.

Leave a Comment

Leave a Reply

Your email address will not be published. Required fields are marked *