Ukraine Ca Zongah US Hi Cu A Rak Biapi Thiamthiam Kho Eh

American Nih Ukraine Cu Hriamnam Tha Tha A Pek Chap! American le Nyi Toe phu nih Ukraine ram cu hriamnam thatha an pek chap ruangah Russia ralkap nih luhhnawhnak an tuahmi cu ruahnak lengin an lehrulh khawh hna tiah runvennak bawi ngan pakhat nih a chim. Vanlawng telh in Ukraine vanlawng lei runvennak ralkap phu cu pehzulh in tuanvo an laak khawh caah.

Russia vanlawng lut kho loin an phihkham kho hna tiah theih a si. Tuzing tiang ahcun Russia ralkap nih Ukraine ramchung khuapi pakhat hmanh an laak khawhmi a um rih lo i, Russia nih vanlawng hmangin kahdohnak a tuahmi cu a hlawh tling kho rih lo tiah amah ralbawi ngan nih cun a chim.

American President Joe Biden nih Ukraine ralkap hmaisuan ummi hna caah hriamhme le hriamnam dangdang telh in raltuknak thilthuam tibantuk caah dollar million 350 bawmh dingin minsen a thut cang tiah theih a si.

Kawlram thawng pang relchap; Shan ramkulh chaklei Kuet Khine le Namh Phat Ga karlak ah SAC ralhrang ralkap cu tlangcung hriamtlai phu le mipi vengtu PDF i fonhmi phu an kah hna ruangah SAC ralhrang ralkap leikap ah 30 lengkai an thi tiah Ti Dih khuapi ah a ummi TNPDF nih cathanh an chuah.

Febuary 26 zanlei sml 5:30 hrawngah thil phor motor ke 12 hmangin Shan ramkulh chaklei ah thazaang tam taktakin an kal lioah Kuet Khine le Namh Phat Ga karlak ah Man Lue khua pawngah tlangcung hriamtlai phu le PDF i fonh in an rak kahmi a si tiah cathanh an chuahmi ahcun an langhter. Shan ramkulh chaklei ah hin SAC ralhrang ralkap kahdohnak hi a tam ngaingai.

Kanmah he hmaiton in kan i kahmi zong a tam ngai cang tiah TNPDF chungtel pakhat nih a chim. Shan ramkulh chaklei mipi vengtu hna nih cheklei ah thazaang tam taktakin a kalmi SAC ralhrang ralkap hna cu KA, MNDAA telh in tlangcung hriamtlai phu (EAQs) Battalion phu he pehtaihnak tuah hratin kahdohnak ningcang tuaktan cuahmah lio a si tiah a chim.

Febuary 26 zaan caan ah Ta Di-Kuet Khine karlak, Man Ping pawngkam kahdohnak ah SAC ralhrang ralkap 300 nak tam nih hmunhma an laak i, chaklei sangah pehzulh in kahdohnak an tuah tiah TNPDF nih cathanh an chuah.crd-the federal times.

Leave a Reply

Your email address will not be published. Required fields are marked *