Ukraine Nih Russia Vanlawng A Kah Thlak + Video

Nizan febuary 24 ah russia president putin nih ukraine cu phomh ding in thawng a than caan tlawm pal ah russia ralkap cu cak le thang tiin ukraine ram chung ah un an lut I kap hni kah doh nak cu a chuak colh, Putin nih Ukraine cu hriam nam thatha in a phomh len nain tu tiang a duh ning um a phomh kho lo, ukraine nih a rak kham khawh peng rih tuzan kan tar lang mi Russian vanlawng Ukraine nih an kah thlak nak video a si, mahh a link hi i/videos/16 meh law a video na zoh khawh lai.

Thawng dang relchap; Mandalay khuapi, Aung May Thar San peng, Kyung nichuak lei 66 lam 22 le 23 lam karlak i Myanmar Sateih zung hmai ah February 25 zanlei sml 1 :00 hrawng ah SAC ralhrang mawṭaw 1 bomb puahhnawh a tong. Bomb puahnak ah hin mawṭaw thlalang pawl a kuai ko nain minung hliam tu cu an hmu lo, tiah thei a si.

Naan nichuak lei veng um mi  pakhat nih “Naan nichuak lei in bomb thawng kan theih i a puaknak hmun cu Amyotha Cinema hall he zong a nai i No-19 lam lei zong ah SAC ralhrang pawl an um,” tiah an chim. Cupinah bomb puahnak hmun pawng lam lai hrawng ah a puak rih lo mi bomb pakhat an hmuh, tiah theih a si.

February 23 zanlei sml 5:00pm hrawng zong ah Mandalay khuapi Chan Mya Thar Say peng Manawharay lam 110 le 47 lam pawng ah ralhrang mawṭaw 2 bomb puah an tong. SAC Ralhrang mawṭaw pawl cu Mahnawhary lam ning in nitlaklei le nichuaklei lam ah an rak ra i Mahnawharay lam 100 ( 45 le 46) lam karlak i khua-uk bawi zung ah an kal, tiah theih a si. “Bomb thawng cu thangpi in kan theih nain aa hliam mi an um le um lo cu kan thei lo.

SAC ralhrang pawl nih meithal voi 3/4 hrawng an puah,” tiah khua mi upa pakhat nih a chim. Cupinah February 23 zanlei sml 8:00 hrawng ah Sippan lam 66 le 67 lam kar i KBZ Bank ATM seh ah bomb a puak. Bank account pawl cu ralhrang nih a ruang um lo in an block caah Mandalay People Rescue (MPR) le Mother Son Mandalay Force he i fonh in an puah mi a si, tiah thawng an thanh.crd-the chin post.

Leave a Reply

Your email address will not be published. Required fields are marked *