Update: Kan Fanu Rebecca Van Sui Par A Hnubik Upat Peknak Le Ruak Thlahnak Ni Le Caan

Tu lio kan Laimi chung in kan fanu Rebecca Van Sui Par ti ah a pamnak he pehtlaihin thlacamnak he ngaihchiatnak a kan hrawmpitu vawlei cung hmunkip um kan Laimi unau dihlak hna kan dawt kan fanu Rebecca Van Sui Par a hnubik upat peknak le ruak thlahnak Ni le Caan cu a tanglei bantuk hin a si lai.

Ruak thlah Ni (Zarhte Ni) 29/08/2020; Ruak zoh caan (9am-9:30am) 29/08/2020; Ahmun: London Heights Baptist Church 734 N 78th Street, Kansas City, KS 66112.

Ruakthlahnak Service (9:30am-10:30am) 29/08/2020; Ruakvui caan (11:00am-12pm) 29/08/2020. Thlaan hmun: Highland Park Funeral Home and Crematory 4101 State Avenue, Kansas City, KS 66102.

USA, Kansas City ah khuasami kan Lai tleirawl nute Rebecca cu August 22 ni ah a chungle he leng an chuak i ti ah a tla sualmi i kan hnu August 24 ni, zanlei suimilam 4:30 pm ah a ruak an hmuh.

Kan fanu Rebecca nih a ka liamtak ning cu, Kansas Tiva ah an kal hna i ngakchia pawl cu tiva kam te ah bawlung he lente an i celh hna i an bawlung an dawinak ah ti ah a tlak sual hi a si. Atu hi a ruak cu siizung ah nawlngei tu nih an chiah lio tiah theih a si.

Kan fanu Rebecca Van Sui Par cu Lutuv Chin Christian Church (LCCC, Kansas, USA) Khrihfabuu chungtel a simi Hnaring khuami Pu Bawi Tin le Pi Sui Ci hna i an fale pathum lakah a pahnihnak a si.

Ngaihchiat hrawmpitu hna le thlacamnak in bawmtu nan dihlak cungah lunglawmhnak tampi kan ngei pinah hi ca in ramchung ramleng chungkhat hna ngaihchiat hrawmpinak kan van langhter. Tangtakmi chungkhar Pathian tu nih hnem hram hna seh.

Leave a Reply

Your email address will not be published. Required fields are marked *