American Supreme Court (American ram Bia Caih nak Sang Bik Bu): By Ram Khar
American ram caah Cozah a ser kho mi Ramkhel Party a biapi bantuk in A biapi taktak mi Bia Caih nak Sangbik bu a si mi US Supreme Court hi American ram caah cun a biapi taktak mi Bia ceih Bu an si. American Khrihfa mi hna caah a biapi khun. Hi Bia ceih Bu nih American ram Biaknak lei siseh an Zatlang Bu I Hruainak tiang khi tampi a Thlen lengmang.
Hi Bia Caih Sangbik Bu “American Supreme Court” ah hin Bia Caih Bawi minung (9) an si. Hi Supreme Court rian i an thim cang mi hna hi an mah lei kap in dam lo le a zeidang tlamtling lo nak a um lo a si ah cun an thih tiang tuan a si.
Nihin ni ah hi Supreme Court ah rian a tuan lio mi hna cu; 1nak. Clarence Thomas. Hi pa hi American President a rak tuan mi George H. W. Bush nih rian a rak pek mi si . Kum 29 chung a tuan cang . (Nihin tiang)
2nak. Ruth Bader Ginburg Kum (87) . Hi nu hi US President Bill Clinton nih rian a Khinh mi si . Kum 27 a tuan hnu ah 2020, September (18 ) ni ah a thi . A Mah Za ka ah hin 2020, September (26) ni ah A tu lio President a tuan mi Donald J. Trump nih Amy Coney Barrett cu rian khinh ding ah a thim cang .American Senate nih An lung a tlin ah cun rian khinh a si ve lai .
3nak. Steven Breyer . Hi pa hi US President Bill Clinton nih rian pek mi a si ve. Hi Council ah hin Caan sau Bik a pa hnih nak Kum (26) a tuan cang mi a si ve. 4nak. John G. Robert. Hi pa hi President G.W. Bush nih rian a khinh mi si. 5ak. Semuel A. Alito. Jr . Hi pa hi President G.W. Bush nih rian a khinh ve mi si.
6nak. Sonia Sotomayer hi bu hi President Batak Obama nih rian a khinh mi si. 7nak. Elena Kagan. Hi nu hi President Barack Obama nih rian a khinh ve mi si. 8nak. Neil McGill Gorsush. Hi Pa hi President Donald. J. Trump nih 2017 in rian a khinh mi si.9nak. Britt Michael Kavanaugh. Hi pa hi President Donald J. Trump nih 2018 in rian a khinh ve mi si.
Hi American Supreme Court ah Mitam Bik Nominations a tuahtu hi President George Washington a si i minung 14 a rak tuah hna i minung 12 fehter an rak si. A tu lio President Donald J. Trump hi minung 3 nominations a tuah cang hna i minung 2 fehter an si ve.
A Pathumnak nominate a tuahmi cu Amy Coney Barrett a si i, Americans Senate ah Mitam U cu Republican an si caah Amy Coney hi an fehter ko lai ti hi zumh a si. Hi nu an fehter a si ahcun American Mipi a Hlei in Khrihfa mi hna caah cun thil tha tampi a chuah pi lai ti hi ruahchannak ngan pi a um.
Credit: Ram Khar
Leave a Reply