Lautu Miphun zong USA Ramah Baptist Khrifabu Pa Nga(5) le AG Khirfabu , RC Khrifabu tiin Khrifabu Pasarih (7) in khua kan sak kho ve cang. USA ram ahhin Lautu miphun hi State dangdang in an um cio ve. Lautu miphun tambik an umnak hi Indianapolis, Kansas City, Georgia, Florida hna khi Lautu Miphun tam deuh a umnak State asi. A dangdang State zongah lautu miphun an um ve ko lai. America ah a um mi Lautu Miphun hna hi Miphun Lautu iLungrulnak le Lautu Miphun thanchonnak ding caah tiin” Lutvu Churchless of America” le “Lutuv Network of America” tiin Bu pahni an dir kho ve. Lutuv Churcheses of America ahhin GS a tuan piakmi hi Rev A.V Thang Mang asi. Lutuv Network of America ahhin President a tuan piakmi hi Pu Tin Sang asi.
Indianapolis an khrifabu min hi ILEC (Indiana Lutuv Evangelical Church) ti asi. An pastor hi Rev A.V Thang Mang le Pastor Ngun Thawng asi. Rev. A.V Thang Mang hi An Senior Pastor asi. Georgia an Khrifabu Min hi GLBC (Georgia Lautu Baptist Church) ti asi. An pastor hi Rev Thomas Hrang Lian asi. Kansas City an khrifabu min hi LCCC (Lutuv Chin Christian Church) ti asi. An pastor hi Pastor Dawt Uk asi. Florida Ahhin Khrifabu cu an um ve ko nain Pastor cu an I ngeih ri lo Cu ve bantuk in Nashville Tennessee zongah khrifabu cu an um ve ko nain pastor an i ngeih kho ve ri lo tiin theih asi.
Lautu Miphun chungin AG le RC Khrifabu zong America ah an um ve. RC Khrifabu hi Kansas City ah aum ve i Father Cu Fr. Michael Van Lian asi. AG Khrifabu hi Kansas City ah ah a um ve i Pastor cu Pastor Kham Bawi. America ah khua a sakmi Lautu miphun Milu hi 5000-6000 kharlak ah an um lai tiah ruah asi.
Leave a Reply