Tu lio Laimi nih kan zohthla ngaimi hlasak thiam Van Hlei Sung cu naite ahkhan Wellington ah Sunday School Teachers pawl teaching skills training ah a kal. Cu a khualtlawnnak cu a video tawi tete in a tuah i nihin ah a Youtube Channel ah part (1) a ka tarpiak i cucu mipi zong nih zoh kho ve ding in kan tarpiak chin hna.
Van Hlei Sung khualtlawnnak video tawi nan zoh hlan ah The Chin Online Media nih nikum 2019 kum i interview an tuahmi chung in amah kong lam tawi le pasal caah a duhmi phun a chimnak tlawmpal in kan tarpiak chih hna. Hi interview ah biahaltu cu June Amang a si.
1. Nangmah konglam theihternak rak kan tuahtak law kan duh ko?
Lehnak : Aww kalawm. Ka min cu vanhleisung ka si. Ka chuahnak ka khua cu hriphi. Atuhi New Zealand ah kan chungkhar ning in khua kan sa. Kei hi Bawipa dawtnak thawngin Victoria University of Wellington ah Commerce ka kai lio i dam le tluang tein ka um ahcun hi hnu kumthum ah ka dih la.
2. Pasal caah mirang pa maw na duh laipa, zei bantuk pa dah na uar phun an asi?
Lehnak: kei mah pumpak duh thimnak in cun a zungzal in Laipa. Pathian nih kanmah dawttu le kan caah a tthabik atimi a kan chiah piak cio ko nain keimah pumpak ah ka duhmi pa cu ritnak (dinmi, hmawmmi le khaimi) a tawng bak lomi. Mah hi a biapi cem.
Vawlei ah santleihnak pakhat hmanh a chuah pi lomi thil asi. Cu khawh cun keimah ka sining tein a ka cohlang mi le hmailei innchungkhar sertik zongah bochan le zumhawktlak mi pasal cu aho nu ca poh ah an ttha. Cun amah kha, pasal ttha tiah aa zum ve bakmi. Phorhlawt le ruamkai tiang cu si lo nain, bochan awktlak asimi, ‘kai za’ ai timi pa sin cun hna a ngam deuh lai ka ti. Credit: jmnews.info
A video zohnak;
Video Credit: VHSung Channel
Leave a Reply