Vanzangtlang Siangngakchia Chungkhar-VSC Thawngthanh

Vangzangtlang Siangngakchia Chungkhar hruainak in Vanzangtlang khuaruk (6) chung ah Vanzang, Lungding, le Tlanglo khuathum hna ah Sianginn kan on. Sianginn kan onnak a ruang cu kan naule kumhnih chung sianginn an kai ti lo caah an vaivuanh thai lai kan sian hna lo caah a si. Covid lio ahcun a harsa ngai ko nain Gate tuin milutchuak kan kham lai i a chung tu cu kan him ko lai ti ruahchannak he kan on mi a si.

Cachimtu zong kanmah VSC chung in kan i thim. Thlahlawh pek si lo in zaanghleicawi in cachimh a si. Thantar ah Chin National Flag kan hman i Ramhla ah “A Hme Ram Laitlang” (KHB. 513) kan hman.A tang mi khuathum Sopum, Tlangpi le Farrawn zong tlawmpal ah Sianginn ong kho ding in VSC nih kan izuam cuahmah.

Tluangte le dam tein kan tuah khawh naklai ram le tlang dawtu vialte nan thlacamnak kan herh ko. Ngeihchiah chawva zong in bawmh na kan duh ahcun bawmh khawh kan si. Salai Chan Thawng Cung, President, VSC , Ph. 09401391876, Fb. Salai Thawng. Crd- the chin post

Thawng dang: Kawlram Muslim Phu Nih Oxygen Thilri Tling He Manfawi Ten An Zuar Lai Covid third wave ah hin ramchung ah zat lo tiang in a herh tuk mi oxygen hman ding he a pehtlai mi thilri tling cu mipi hna nih cawkkhawh cio ding in Kawlram Muslim phu hna nih an zuar lai.Tuandeuh in cahcia mi oxygen dur hna cu August thla 1 ah a phan cang tiah Kawlram Muslim phu hna sin in theih a si.

Oxygen dur hna cu a then in an phan, a dihlak ah dur 3400 timhlamh a si. 40l dur cu sing 2, 15l dur cu sing 14 an si thilri tling he.Dur 3000 hi zuar ding a si dur 400 hi cu kan hlut lai.Atu cu mawtaw nih a phorh i dur 700 leng a si‚ÄĚtiah kawlram Muslim phu in chungtuan U Tin Mawng Tan nih a chim. Kawlram Muslim phu hna nih Covid third wave ah hin oxygen hlutnak an tuah len tiah theih a si.

Atu oxygen zuarnak ding kong he pehtlai in, online in soknak ca an tial ter hna hnu lawng ah ,cu soknak ca a tial mi cu an tam caah an cawkduh mi hi dur 10000 leng a si. Minung pakhat ah durkhat lawng zuarh a si lai i, mibawmchan tu phu hna le biaknak lei mibawmtu phu sin lawng ah dur hnih zuarh an si lai tiah theih a si. Biaknak lei nih tuahmi sizung ah dur 5 le Yangon general hospital ah dur 10 kan hlut lai tiah an chim.

Atu a phan mi hi dur 700 a si i, Yangon le Mandalay caah chiahpiak an si cang tiah a chim chap. Atu bantuk in an zuar mi hi oxygen dur le oxygen he a pehtlai mi thilri pawl cu man faktuk hauh in an zuar ruang ah le, thilri a cah caah mipi hna nih harnak an ton mi a tlam a tling khawh deuh nak ding caah tuah a si. Cu ka hmun ah cawk ning caah Myanmar Muslim Aid Facebook ah an langhter tiah BBC nih a tial.crd- the chin post

Leave a Reply

Your email address will not be published. Required fields are marked *