Electric lei riantuantu hna cu nitin an nunnak caah tihnung thinphang an si i mipi caah elictric mei an hmuh peng khawhnak hnga riantuantu an si. Vawlei cungah hi bantuk in nu nih electric lei cozah riantuan timi hi hmuh bal a si lo i tutan Indian nu hi a pakhatnak a si lai tiah zumhmi a si caah a video kan vun tarpiak ve hna. Hi video i All India Radio News Twitter account in lak chinmi a si.
Hi bantukin electric meitung a kai pengmi nu nan hmuh bal lai ka zum lo. An va um sual hmanh ah tu bantukin dot khat inn nak hmanh a sang deuhmi meitung a kai khomi nu nan hmuh bal lai lo ti ka ruah caah hi video phundang te hi ka van tarpiak chin hna.
A tang video chung kan hmuh mi minu hi Usha Jagdale a si. Maharashtra District ah electric lei riantuanmi pakhat a si ve. Usha cu Maharashtra District ah a thei lomi an um lo ti si. Zeiruang ti ahcun nu pakhat a si nain electric riantuan a si pinah electric meitung kai a thiamnak ruangah an theih khun ti si.
A phundang khun mi cu Usha nih meitung a kai dan hi a si. Zeibantuk in meitung kai an thiam zongah donghhlei an donh cio i an kai tawn. Nain Usha cu zeihmanh i vennak thilri, hri ti bantuk pakhat hmanh aa kaipi lo pinah donghhlei zong hmang loin electric meitung duh paoh in a tum a kai hi a si.
Hi kongah cheukhat nih Usha an thangthat ngai nain cheukhat nih cun India ram i misifak pawl an riantuan ning kong ah an soisel ngai ve tiah theih a si. A tangah Usha meitung a kai lio video tar chih a si.
https://www.facebook.com/484961785231027/videos/335660631136569/
Ref: SM
Leave a Reply