Kawlram Vice President Henry Van Thio interview an tuahmi kan zoh cio ko lai. Chin miphun caah Human Resources le Natural Resources kan herh nak kong achimh. Human Resources kong hi Pu Sang Hre nih biatak tein a vun tialmi ka rel bal i Vice President nih a chimhmi or a chim duhmi vialte kha aa tling ngai ko. Human le Natural Resources kong hi zeidah asi lai.
Chin miphun nih fimthiamnak cawn kan herh hringhren ko – University kai kan herh. Kawl miphun lak ah barawhzat te a si mi Chin miphun nih kum saupi a kan uktu kawl miphun hna tangbeh in kan dir hnawhngamnak ding ahcun lam pakhat lawng a um ko rua. Mah cu education (fimthiamnak) cawnnak lawng hin a rak si ko tiin ka ruah. Abuaktlak in Chin miphun hi 2002 – 03 in Australia le USA hna phak hram kan i thok hna. Mah hnu khin a tom tom in kan kal chin lengmang.
Nihin South East Asia ram lak ah fimthiamnak lei ah fak piin an mino tha a pe mi cu Indonesia ram a van si ve cang. Ni hin ni tiang ram kip ah sianginn a kai ter hna. Cozah riantuan pawl zong a hlei bik in scholarship a pek hna i Australia le US ah Master Degree a cawn ter hna.
Vice President nih Ramchung ramleng nih fimthiamnak hi kan herh hrimhrim ko tiah a ti ve. Kan nih Chin miphun ralzam in a pem mi zong nih caan tha i lak in kan pemnak ram (Australia, US, Canada, New Zealand, Norway, Denmark) ah fimthiamnak hi fak piin cawn le dawi kan hau. Kan miphun dothlennak rian ah kan bomh khawh bik mi hna cu catang sang cawn le University tha tha mi ah sianginn kai hna hi a si. Kan pemnak ram kip ah Chin miphun dirhmun/kan kal ning hna hi ai khat ngawt dih hna. Mah cu cu fimthiamnak cawncannak lei ah thazang kan pe hna lo.
Kan community le biaknak ah fimthiamnakcawnnak hi fak piin au a hau. Nu le pa nih inn lo cawk sangtuk in aruat hmu mi pawl hi fak piin biakinn i pumhnak ah cawn piak an hau. Nu le pa nih fa le leng lei ah kau piin thil an hmuh khawh nak hnga chuah ter vah vaih ter an hau. Network an ser a hau. Holh let sawh sawh in caan dih ter lo a hau.
Leave a Reply