Thantlang peng Tikir khua Dam hi ralkap acozah chan lio phunghrampi an suai lio, phunghrampi a suaitu hna Chairman U Thein Sein sin le Semeong bawi bik U Htay Oo sin ah a ka in Pu Hrang Hlun nih a rak hal hna i, ca in rak tial an ti bantuk in ca in a rak sawk.
Cu lio Tikir khua hi motor laam a pemm rih lo caah Semeong bawi bik pa U Htay Oo nih lam cawknak seh a nganmi pakhat a pek hna i, kum 2009 chungah meng (8) le furlong (2) an rak cawh.
Kum 2013 ah ram pumpi phaisa (Pyidaungsu Budget) in sing 2500 Dam tuahnak ah an pek hna i, USDP acozah nih Tikir pek loin kaadang ann thial caah Tikir Dam cu an tuah kho lo.
Cu hnu kum (4) a rauh hnu, kum 2017 ah Dam tuahnak ah ram pumpi tangka (Pyidaungsu Budget) in sing 52500 in Semeong nih an tuah i, phaisa nih a zat lo caah rampi ah an hal nolh i, sing 6500 an chap than.
A cunglei rampumpi phaisa vialte cun Tikir Dam cu tlamtling in tuah a si. Hi Tikir Dam tuahnak ah hin Laitlang phaisa (Chin state Budget) chung pakhat hmanh an hmang lo.
Tikir khua sernak kongah hin kum 2018 kum ah ram pumpi phaisaa in Na-Ta-La ttha-nah nih nih inn 20 an sak. Kum 2019 kum ah Daw Khin Kyi Foundation nih in 50 an sak piak hna. Kum 2020 ah Daw Khin Kyi Foundation nih mizaw phurhnak motor pakhat an pek hna. Kum 2018-19 kum ah Rampi phaisa in Siizung an sak.
Cucaah Tikir Dam le Tikir khua sernak ah Laitlang phaisa (State Budget) chung in fangkhat zong aa tel lo. Hi kong he pehtlaih in USDP acozah chan lio i, an tuah cia mi Project kha NLD acozah nih an pehzulh i an tuanmi a si.
Cucaah Tikir Dam kong le Tikir khua kong ahhin theihfian set loin thangchiatnak men le mah thutdan tinconak ah an chimrel kan theih ahcun phung le lam ningte in kan zulh dawi cang hna lai tiah fianternak kan ngeihmi hi a si. Ram To (NlD, EC) Vai Se (NLD, EC)
Source: Nld Thantlang
Leave a Reply