Vice Senoir General Soe Win Russia ah a kal, thlathum chungah ralhrang bawi minung pathum Russia ah an kal Deputy Commander-in-Chief of the Armed Forces,Vice Senoir General Soe Win cu Russia ramah nihin September 1, zinglei ah a kal tiah ralhrang phu thawngzamhnak nih an langhter.
Cu cathanh chung ahcun Russia Minister of Defense nih a sawm caah ramkip ralkap hna thiamnak zuamnak phih ni ceremony ah tel ding in tiah an langhter.Hi khualtlawnnak ahcun ralkap lei,mipi lei rianngeitu hna he tonbiaruahnak zong a um lai. Deputy Chief he hmunkhat ah Lieutenant General Aung Soe le Army Officer hna zong an i tel.
August thla chungah tuahmi ramkip ralkap hna thiamnak zuamnak caan honnak ceremony ah ti ralkap,van ralkap Coordinator Buchohgyi Mawng Mawng Aye cu a kal i ceremony phih ni ahcun Deputy a kal nak hi a si. Cu ruang ah nawlngeihnak an lak thla 7 chungah Russia ram ah ralbawi hruaitu lei in minung 3 an phanh nak hi a si. Min Aung Hlaing cu a luancia June thla chung Russia ram ah caan sau caam in a rak kal bal cang.
Cu ruang ah thlathum chung ah Commander-in-Chief of the Armed Forces, Deputy Commander-in-Chief of the Armed Forces Army,Navy,The military le Coordinator hna Russia an phak nak hi a si. Kawlram ralhrang hruaitu hna Russia tlawnnak a ruang cu hriam cawk nak kong leng ah ramkip nih lungtlin pi nak a um ti langternak ah a si lai tiah ruah nak a um. Crd- the chin post
Thawng dang: Mandalay ramthen Myintnge khua in CDM a tuahmi tlanglawng riantuan 1000 leng cu an rian in phuah an si tiah sehzung manager nih a thanh. Cathanh nih a langhter ningah rian phuahnak kong he lungtlinglo nak an ngeih a si ahcun thla 6 chungah zungah nawl (appeal) tuah khawh a si.Mah chungah NLD cozah nih a karh umlo in cawih mi thla 2 hlawh zong pek than ding a si.
An pek lo ahcun tazacuai an si lai tiah a tial. Rian in phuah mi chungah ralhrangbu nih an tlaih cang mi bawi 1 le riantuan 10 telin 1117 le ni hlawh in riantuanmi 29 an i tel. Sehzung ah rian pakhat hmanh a kal khawh ti lo ruangah caan saupi hnuah ca an chuah mi a si. CDM a tuah i rian ah a lut than mi hna kong cu zeihmanh chim ka duh lo.Fiangte chim ahcun Myintnge CDM cu kan hlawh a tling tiah rian in phuah ve mi Myintnge tlanglawng sehzung riantuan pakhat nih a chim.
Myintnge tlanglawng sehzung ah a hmun i riantuan le nihlawh riantuan 1684 an um i, April thla tiangah CDM a tuah mi 1500 an um nain, a hnuah sining dangdang ruangah rian a lut than mi zei mawzat an um. Atu bantukin riantuan dihlak tluk CDM an luh ruangah ralhrangbu nih CDM bawmchantu hna an tlaihnak ah bawi 1 le bawmhnak thilri zong an tlaih.
Tlanglawng riantuan hna nih an bawi thlah piak ding le an thilri pek than dingin an hal ruangah ralhrangbu nih an kah hna i minung 5 an nunnak a liam, riantuan 11 tel in 43 an tlaih hna. CDM a tuah mi tlanglawng riantuan hna ruangah tlanglawng service zong tampi kalpi khawh a si ti lo nain riantuantu hna hi riandang a har caah an khuasak a har ngai tiah theih a si. Crd- the chin post
Leave a Reply