By- Sang Hre: Victoria kan Premier nih Press conference ah thawng a kan thanh mi chung in lak mi a si. Tuchun tiang case dih lak hmuh mi – 9998,Aluancia sml 24 chungah hmuh mi – 723, Virus a ngei cuahmah mi (Active) mi – 5385, Khuate lei ah virus a ngei mi dih lak – 255 Tuchun tiang a thi mi dih lak – 105, Aluancia sml 24 chungah a thi mi – 13 Testing tuah cang mi dih lak – 1.54 million Siizung ah a phan mi dih lak – 312, ICU ah zoh cuahmah mi – 34, Aged Care ah an hmuh mi dih lak – 900, Ralkap lei cawlcanghnak.
ADF (Australian Defense Force) cu team 30 in phu an ser.- Aluancia mi sml 24 chungah innka an kinh hnawh mi hna – 789 – Inn ah a van fuh hnawh mi hna – 269 Khua te lei ah Lai mi kan um lo caah ka tial duh ti lai lo. Theih ding le tuah ding.
Leng chuah ah mask i hruk ding. Nai test ahcun a result (a phi) a chuah hlan chung cu leng chuah lo ding. Nai test i positive na si sual ahcun inn te ah um peng ding. Palik le ralkap nih an in ret hnawh tik i inn ah na um lo sual ahcun $1650 dantat na si lai.
Casual in rian tuan mi – Leave a ngei lo mi nih Testing na tuah chung (Ni 2-3) tiang a phi chuah na hngak chung kha DHHS ah $300 na hal khawh hna. 1300 leng tangka kan pek cang hna a ti. Positive na si sual ahcun Ni 14 chung inn na um nak caah $1500 bomh a si lai. Na leave nih a zo ding a si lo caah a bik in rian tuan mi caah bomh mi a si.
Kan nih Lai mi chung zong in Aged Care rian tuan pawl kan um pah ngai caah kan community chung i kan tar nu/pa hna hi ven ngai an hau. Ni hin tiang a thi mi an data zoh tikah 98% cu kum 75 cung an si bik.
Note: Tih tuk ding ale lau tuk ding a si lo. Ning le cang lo tiang in eidin zong cawk a hau lo. Lung dai tein pakhat cio kan dih lak i ralring cio hna uh sih.
Leave a Reply