Ka lungthin ah a chuak ngai mi pakhat ka van langhter than ve lai. Pathian mi kan si caah Pathian ka thangthat hmasa i hi ca ka tial tikah hin midang caah thatnak a chuahpi hnga maw ti hi asi. Miphun hawi hna Chin mi dih lak ruah a tlak ko cang rua tiah ka ruah bak ve mi asi caah kan van langhter.
Chin Miphun nih kan Chin mi kan sinak co ding tiah kan ti lengmang mi hi khoi ka dah aum? Ti ninglaw Kawl ralkap sin ah nan ti ko lai. CNF/A nih lak than ding ah an ti le Kum 30 dengmang an doh cang nain an tei kho hlei lo. Hriamnam hman in an tei lo mi cu maw fawituk in kan chim rel lai nan ti, va chim rel uhlaw Aho nih dah an ngaih piak hna lai.
Vawlei vialte a ser i a ngei dihtu, uktu vialte uk dih tu Pathian sinah teh rawl ulh in Miphun caah Ram khelpawl kan pa le a tuah mi nan um maw? CNF/A nih zeiruang ah dah nihin ni tiang phaisa an kholh peng? Ziah kholh hau lo in Pathian nih a pek hna lo? Aruang cu hihi a si, Petu Pathian sinah fiang tein an hal bal tung lo. Zei an ti ramthumnak phanmi hna kanmah thawng in nan phan UN zung ah kan chim ruang ah tiah pei mipi Leiba an cawh cu.
Mi pakhat ramtha a phaknak khi kanmah ruang asi tiah pei an ti cu (Pathian kut cak thawnnak thawng in asi an ti duh lo cu teh). UN nawl ngeitu hna hi Pathian mi an si ti an fiang lo. Van chim ah cun kha cu kan theih ko Pulpit cung chim ding asi an ti. Khoi ka hmun paoh hi pulpit asi dih. Nun hi Khrih asi ti pei an duh lo cu.
Nihin CNLD kan ti NLD kan ti USDP kan ti ahohmanh nih hin kan ram federal phak tiang an tuah kho lai lo. Zei ruang ah? Patthian Min an chimmi nakin keimah ka tlin ahcun an ti. Keimah an ti mi ruang ah Pathian nih Siangpahrang tampi an rengh a thumh tawn hna kha. Jehoshaphat Siangpahrang pa cu a pawng ral vialte nih an kulh tikah khan zeitindah a tuah? A mi vialte rawl a ulh pi dih hna hnu ah Pathian nawlngeihnak in an tei dih hna.
Kan Laimi/Chinmi phun hna hi Khrihfa mi kan si kan ti nain. Pathian a zum lo mi Kawl mi phun Taluk Miphun hna tluk hmanh in tangdawr nun kan ngei lo tik ah Pathian Min chim hmasa ding hna zong khi kan lungthin ngan tuknak ah kan i tangdawr duh fawn lo. Pathian nih kan Miphun amah a tih mi hna a cawisan mi hna VP Henry Van Thio hna a cawisan le a rian tuanmi tangdawr te in bomh chang leh lam loin heh tiah kan soisel. Pathian tih ruang i Lairam Liberal Pastor hmanh nih Bible an rel lo lio ah nikhat nazi 2 lengmang Pathian caah caan a pe mi pa asi ruang ah a cawisan mi hna duh poh in soi ngam.
Zuamnak a ngeimi thla a cam bak mi Dr. Sa Sa te hna va soisel. A soiselmi chungah piangthar lo Pastor hna an i tel fawn a poi ko. Cu i ram ka daw ti ve zumh an um lo teh. Chuak hna seh ca zeidah an tuah khawh lai Inn tha lo tha an ngei lai mah cu si ko. Cu ah cun miphun kan dawt nan hei ti rih. Mifim Ph. D kan si e nan ti. Law vialte kan thiam ee nan ti.
Chiatha thleidennak hrawk khotu Sehten hriamnam Zuu le Sa le Kuak Wine te Beer hmanh kal tak kho rih lomi Miphun caah ni 7 te hmanh rawl ulh kho ve lomi nih ram ka dawt, thutden ka ngeih ahcun Nu hrin Covo kan lak than lai, ka hal hna lai tiah au len hi mah le mah i hlen le Pathian tih lo asi ti hi kan i fian ta lo phot ahcun kan dawt na dawt Lairam/ Chin ram cu na ser kho bal lai lo. Thutden na hmuh hmanh ah tuante i thihnak taksa thihnak le thlarau tiang thihnak lehlam na huah ko lai ti hi keimah ka hmuh ning asi.
Credit: Pa Ngun Cthia
Leave a Reply