Yangon In Mandalay Lei A Kir Mi Mino 4 Cu SAC Ralkap Nih Motor Chung Ah An Tlaih Hna

Yangon in Mandalay lei a kir mi Taze khua mi mino 4 cu SAC ralkap nih motor chung ah an tlaih hna, tiah tlaih a tong mi hna he naihniam in a um mi nih an chim. Nihin February 13, zinglei ah Yangon-Mandalay a kal mi Express khualtlawng motor aa cit lio mi mino 4 cu SAC ralkap nih Tada-U gate pawng ah an tlaih hna, tiah theih a si. “Yangon-Mandalay Express motor he khual a tlawng mi Taze peng Kanhtuma khua mino 4 cu Tada-U gate pawng an phanh ah SAC ralkap nih motor chung ah an tlaih hna. Tlaih a tong mi mino 4 cu kum 23-24 hrawng an si hna i Yangon.

Mandalay ah motor pakhat aa citṭi mi hawikom rual an si,” tiah tlaih a tong mi hna he naihniam in a um mi nih an chim. SAC nih hramhram in kum 18 cung mino nu le pa ralkap tlakter ding tiin phung a nunter ṭhan ni February 11 ni thawk in SAC ralkap nih khualtlawng mino hna cu chekhlat in an tlaihkhih hna, tiah Sagaing le Magway thawng laaknak hrampi nih an chim. Crd- The Chin Post.

Thawng dang: Natmauk Le Taungdwingyi Khuapi Ah Khuabawi 1 Telh In SAC Ca Ah Rianṭuantu 5 An Kah Hna, 4 An Thi. Magway ramṭhen, Natmauk peng, Kularshin khua ah SAC ralhrang ca ah rianṭuantu Khin Maung Htay le Ne Win hna cu February 12, zan suimilam 6:30 tluk ah tualchung hriamtlai phu hna nih an kah hna i Khin Maung Htay cu a thi nain Ne Win cu a luat, tiah theih a si. Khin Maung Htay le Ne Win hi SAC ralhrang he i fonh in tualchung hriamtlai phu hna le tualchung mi hna cu harsatnak phunkip a petu hna an si i.

SAC ralhrang nih hramhram in nawl an chuah mi ralhrang ah luh ding timi upadi kong he aa pehtlai mi zong an si caah atu bantuk in an kah hna hi a si, tiah theih a si. “Thawng kan theih ningte ah hi khua ah Dalan tlangpi an si i atu hnu zong ah pehtlai in rian an ṭuan le ṭuan lo kan ngiatthlai rih hna lai” tiah Natmauk hriamtlai phu in ṭuanvo ngeitu pakhat nih Khit Thit ah a chim. Cu bantuk ṭhiam in Taungdwingyi khuapi pawng um Pyinchaung khua ah khuabawi ṭuan mi Win Aung le a ṭuanṭi hawi 2 hna cu February 12.

Chun suimilam 12:24 tluk ah an min theih lo mi meithal aa tlaih mi hna nih an kah hna i an thi, tiah tualchung mi hna sinin kan theih. Rakhine Hpa-ya-gyi kulhchung um Nila rawldawr in Win Aung le a ṭuanṭi hawi 2 hna cu an chuah lio ah meithal aa tlaih mi hna nih an kah hna hi a si i khuabawi Win Aung cu a lu ah kuan nih a khen. A hawi le 2 hna cu an paw le an takpum chung hna ah kuan nih a khen hna i an thi. An ruak cu Taungdwingyi sii-inn ah an chuangkhar pawl nih an laak hna, tiah tualchung mi hna nih an chim.

Leave a Comment

Leave a Reply

Your email address will not be published. Required fields are marked *