Yangon, Mandalay Le Naypyidaw Ah Ralhrang Tih An Nunnak Bik Cu

By-Chelsea Bawi: Kan hnu leiah CNA le tlangcung hriamtlai phu hna caah Kawl ralhrang an tihnung biknak cu vanlawng asi, Cucaah vanlawngkahnak Man-portable air-defense systems (MANPADS or MPADS) an ngeih a herh timi kong tawite ka rak tial bal. Tutan cu a biapi bikmi khuapi chung Yangon, Mandalay le Naypyidaw ah i ralhrang le mipi tuknak chuak tikah ralhrang hi zeidah an tihnung biknak ding timi kong tawite in ka vun tial than lai.

Civil War a chuah tikah ralkap nih an ven bikmi cu an hmunpi khi asi tawn ko. Khuapi chung i kahnak (Urban Warfare) paohpaoh ahcun ralkap an tihnung biknak cu, vanlawng, tank, artillery gun, rocket launcher le IED pawl khi an si lo, sniper pawl khi tih nung bik an si.

Yangon, Mandalay le Naypyidaw khuapi chungah kahnak chuak sehlaw ralkap nih athli tein PDF an umnak a langh in hmuh khawh nak ding hmun, inncung, thlalangawng, varal piin le mipi nih fawi tein an hmuh khawh lo nak ding hmun innsangpj cung zongin theitlai vahui nih a tlanhmi a kungcung a buknak phen in kan rak bawh hna i kan cheih thluahmah hna bantuk in PDF hi an rak bawh khawh hna.

An nih cu professional taktak mi an si hna caah mepung in hmunhma vialte an theih dih hirhiar lai caah cawlcangh ning ding plan thatein an ngeih dih cia lai. 2003 Iraq War lio ah an khuapi Baghdad khuapi bakah US sniper kah thiam pa Chris Kyle nih inn le in kar bakin Iraq ralkap minung 160 tluk a rak kah hna i khawika in an kan kah timi hmanh an i theih khawh lo kha mu. Cucaah khuapi chung i kahnak a chuah tik ahcun sniper pawl hi tih an nungtuk te sual lai caah PDF pawl nih hin strategy tha taktak in an ngei a herh.

Ralhrang sniper an um khawhnak ding hmun vialte cu i tuk hlah in PDF nih rak ngiat cia viar chung i control viar ding, lunghrinnak hmun lei hrimhrim ah kal lo ding. I tuk nak ding hmun hi I thim cia lo nak hmun le a ram um tuning fiang huaha lo nak hmun ahcun tawngtaw ngam in ngam hrimhrim hna lo ding.

Khuapi chung ahcun bomb le vanlawng hi an hmang tuk lai zumh a um lo, ralkap zong hi an ral a thattuk lai lo i tawngtaw zuan hnawh phun in mi an zuan hnawh lai lo. Asinain sniper tu cu an hman ngai hna lai caah tu tein hmunhma control zia thiam taktak cu an hau cang.

Leave a Comment

Leave a Reply

Your email address will not be published. Required fields are marked *