Yangon Um Min Aung Hlaing Ngeihmi Inya View Hmun Cu Zarkhat Chung Ah Dollar Sing 8 Leng In An Zuar

Min Aung Hlaing ngeihmi Inya View hmun cu NUG nih a voihnihnak Project in, August 5 thawk in zuar hram a thawk i, zarkhat chung ah dollar sing 8 leng man in an zuar khawh, tiah theih a si. Hramhram uk donghternak phu (The End of Dictatorship-EOD) nih Hlaing peng meng 6 ah a ummi, 1.8 acre a kaumi hmun pakhat cu Min Aung Hlaing nih a rak fir caah an zuar i, dollar sing 8 leng man a zuar khawh cang.

Cu pinah Share 500(dollar 50000 man) cu minung pakhat lawng nih a cawk. A luancia August 8 ah khan 88 buainak philh lonak ah tiah Singapore ummi nih 8888 min in Share 88 a cawk, tiah EOD nih an thanh. NUG nih Min Aung Hlaing a inn le lo zuarnak a tuahmi hi 2022 Febuary 24 ah cathanh a rak chuahmi a rian a pehzulh. Min Aung Hlaing nih a firmi hmun hi rampi ta a si caah cawk zuarnak an tuah hi a si, tiah theih a si.

The End of Dictatorship-EOD nih, Min Aung Hlaing nih vawlei hmun a firmi le inn le lo a sakmi cu kan chuh áš­han lai. Cu pinah a dang SAC ralbawi hna nih an firmi inn hmun le vawlei hmun vialte zong pakhat hnu pakhat in kan zuar lai i, dohthlennak ca ah kan hman lai, tiah an langhter. Crd- the chin post.

Thawng dang: Ralhrang hna Sakhan KIA nih ankah than.Tu thla chung lawngte ah SAC hna sakhan (6) kah a si leng ah fimtawl khawhnak tiang in tei nak hmuh a si. KIA B-5 tatyin-3 hmunram chung i a ummi SAC sakhan -1 a si mi Buan Tuang sakhan cu nihin chuun Sml 12:20 pm ah kan kahdoh hna tiah KIA thawng zam nak nih an langh ter.Kaphnih thi le hliam um zat biafiang theih a si rih lo.

A liamcia august -2 ni zongah In Wan Yan ti mi SAC hna sakhan cu KIA nih ankah hnu ah mei in an rak khangh piak cang hna . Cu lawng si lo in Phakant peng Sezin khua SAC sakhan le an kuttang tuan Shianni phu hna sakhan cu august -8 ni ah khan KIA le PDF phu hna i bawm in ankah hna i an lak khawh tiah theih arak si.August -9 le ni 10 ni hna ah SAC nih vanlawng hmang in Sezin khua lei cu a kahhna caah mipi zawng hliam an rak tuar.

KIA nih August 11 ni zongah Phakant peng ShiaDuZuat hrambunh SAC sakhan (2) an kahthan hna i (1) an lakchap than tiah khuami hna chimnak in theih chih a si. Tu thla chung ah KIA nih SAC hna sakhan cu kahdoh nak serh in an fimtawl pah leng mang pinah SAC ralthluan hna cu Chawhkanh in an kah pah leng mang hna. Cu ve bantuk in Tilam hmang in thazaang chap ai tim mi Ralhrang hna Tilawng hna zong Sagaing ram le Kachin ram airi nak khua hna ah KIA le PDF hna i bawm in an kah cuahmah hna nak theih a si.

Leave a Reply

Your email address will not be published.