Yaw Kee Hla Thar A Chuak (+Video)

Myanmar Idol Season 4 hlasak zuamnak in Kawlram pumpi nih theihmi hlasak thiam kan Chin miphun hawi Salai Yaw Kee nih nihin ah a music video thar a release mi cu a facebook cahmai le a Youtube Channel hna ah hmuh khawh a si cang.

Salai Yaw Kee cu Chin miphun a si nain Kawl hla a sak tikah a aw a fiang in a bia fiang lak in a khenh tawn caah Myanmar Idol ah Judge a tuan tawnmi Kawlram hlasak thiam minthang Tin Zar Maw zong nih a uar ngaimi pa a si. Nihin cu mipi ngaih khawh ding in a music video thar a chuak hi a si.

Atu tan a hlathar a chuakmi tlangtar cu “VAN” (Kan Ta Yar) ti a si i cu hla a phuahtu cu hlaphuah thiam Lowy Htang a si. A hla aw cu Salai Yaw Kee aw he aa tlak khun in theih a si caah a hla ngaih a nuam. Hi music video cu Creative Band nih an tum piak i Promise Land Studio ah aw an tunmi a si. Mix & Mas ah Myint Zaw a si i Video thlaktu le Edit tuahtu cu OAT Production nih an tuahmi a si.

A hlabia ah ‘ka muidawh lo cu keimah le van a si, phaisa chawva ka ngeih lo zong keimah le van a si. Na ka dawh lo ruangah sual kan phawt ngam hrim lo. Liamcia sualnak temtawn ruangah a si tiah kaa ruah ko lai.’

‘Midang kawp (atuai) pawl ka uar sawh hna ti dah lo cun, zei bantuk nu hmanh nangmah tluk in ka dawt hna lo. Ka nunnak dihlak pek kan duh, nangmah he i tahchunh awkah keimah lei in zeitin hmanh a si kho lo cu teh” ti bantuk pawl a hla bia ah aa tel.

Cucaah tutan Salai Yaw Kee hla thar hi mirum nungak kha sifak tlangval nih a duhnak hla a si i misifak a si ve tikah nu nih a duh ve lo zongah sual a phawt ngam lonak le aa ruahchih ngam lonak a langhtertu hla tha a si. Atangah a video tar chih a si i rak ve.

Video: Tay Than Thar

Leave a Comment

Leave a Reply

Your email address will not be published. Required fields are marked *