Yone Cu Myanmar Film Association Le Information Ministry Nih Tazacuai An Timh Cang

Tu lio social media ah a lar ngaimi hlasakthiam Yone Lay MTV kong he pehtlaih in Myanmar Film Association he fonh in hlathlainak kan tuah lai tiah Ministry of Information, Information and Public Relations Department in Acting Director U Aye Kywe nih DVB ah a chim.

Hi MTV kong he pehtlaih in zei ni zei caan ah zei bantukin an i thlak i aho nawl peknakin an i thlak timi hlathlainak kan tuah lai. Myanmar Film Association he fonh in hlathlainak kan tuah lai kan ti ko” tiah U Aye Kywe nih a chim hiĀ  asi.

Hlasak thiam Yone Lay nih MTV a chuak mi cu aa ruah ning bantuk si loin phun dang pi in hmuh a si caah a soiseltu he a cohlantu he atu ceih cuahmah lio a si. Director zong a simi Yone Lay timh ning ahcun zei party, zei phu hmanh nih lung rual tein kar hlan ti ding ah “I Lungrual caan a cu cang” timi hla a si nain a video an fonh chihmi kong ah biatak tein soisel a tong hi a si.

Atu a soiseltu hna lakah hin mipi sawhsawh lawng siloin a hawile anuh-pinnyia-tama pawl tiang nih an soisel ve caah Yone Lay cu a ngaih a chia i nihin ah facebook in live video a thlah i nawlnak a tuahmi hmuh khawh a si. A tang article ah tar chih a si.

Atu ahcun hi MTV kong he pehtlaih in Covid-19 runvennak caah mipi i pumh lo ding timi zulhphung chuak hnuah an thlak mi a si le si lo, hlathlainak kan tuah lai i, cu Covid zulh phung a buar ahcun taza kan cuai lai tiah Information Minister U Aye Kywe nih a chim.

Cu pinah Myanmar Film Association President/Chairman U Nyi Nyi Htun Lwin nih hi MTV hi Myanmar Film Association zohfelternak/chektermi a um lo bantukin fim chimtu zong a si fawn lo caah Film Association nih dandat pakhatkhat kan tuah lai tiah a chim ve.

Ref: DVB, RTD

Leave a Comment

Leave a Reply

Your email address will not be published. Required fields are marked *