Yone Lay Cu Zaangfah Lei A Si Cang, A Mitthli He Mipi Nawlnak A Tuah (+Video)

Yone Lay cu Myanmar, kan lung rual awk a si cang timi MRTV kong he pehtlaih in minung tam tuk nih an soisel caah nihin 2020, August 5 ni cu nawlnak a tuah. Nawlnak a tuahnak ah a chimmi cheukhat cu a tanglei bantukin a si.

Keimah nih hi hla ka tuahmi hi thazaang tampi chuak in ka tuahmi a si. Tu bantukin thil a cang tikah ka lung a tha bak lo. Anuh-pinnyia hi Anu-pinnyi mit in ka zoh piak ve u ti zongg in kan nawl ti hna lai lo. Ka molhpi bak cang. Keimah nih cun lung rual duhnak hlei in zeibantuk ruahnak dang ka ngei hrimhrim lo.

Nihin ah hi ka hla ruangah thinlung hnahnawhnak a pekmi pakhat kip cio le keimah he aa theih hngalhmi anuh-pinnyia-tama cheukhat hna le keimah nakin upa deuh le a nau deuhmi anuh-pinnyia-tama vialte hna le hmun dang kaa dang ah aa ummi minung pakhat kip cio ah thinlung hnahnawhnak kan pek hna caah ngaihthiam kan hal hna.

Zei a si hmanh ah hi hla kongah keimah cung lawnglawng ah tuanvo a um. MTV hlasak le lemcang ah a telmi hna he zeihmanh pehtlaihnak a um hrimhrim lo. An zate in dawtnak in an ka telhpimi aa si. Amah he zeihmanh pehtlaihnak a um hrimhrim lo.

A soisel duhmi paoh nih  na lung diriam tiang in ka soisel ko uh. Comment in soisel khawh zong ka si. Hmasa ahcun a relrem deuh lomi pawl cu ka block tawn hnaa. A tu cu ahohmanh kan block hna lai lo.

Nan duh paoh in soisel khawh ka si. Ka thinlung tak le ka dirhmun theihter kan duh hna. Nan zate in ngaihthiam kan hal ko hna tiah a facebook account in live a thlah i ngaihnak halnak a tuah hi a si.

A tangah a video zoh chih khawh a si.

https://www.facebook.com/singeryonelay/videos/3313029338757956/

Ref: RTD; Video: Yone Lay

Leave a Comment

Leave a Reply

Your email address will not be published. Required fields are marked *