Nai ah a chuahmi hlasakthiam Yone Lay MTV cu a soiseltu an tam ngai cang. A soiseltu hna lakah minthang cheukhat zong an i tel ve. Cu minthang hna lakah DASSK a vengtu Cherry Htet zong nih a facebook in a lung tlinlonak a langhter ve.
Yone Lay cu hlasakthiam pakhat sinak in anuhpinnya vawlei ah a lut hmasa nain a hnu ah lemcang bantuk le director bantukin video tawi tampi aa thlakmi pakhat a si.
Covid-19 pulrai a um chung, video film pawl i thlak rian a um lo lio ah hla lei a kir than i a fan pawl caah hla thatha tampi a chuahpiak than hna.
Nihin cu Yone Lay nih a hnubik a chuahmi “Kan Dih Lak Vawlei Ah Kan Lung Aa Rual Awk A Si Cang, Myanmar” timi MTV a chuak than. Cu MTV kong he pehtlaih in DASSK body guard a tuan liomi Cherry Htet nih a facebook ah a tanglei bantukin a lung tlinlonak a langhter.
A tialmi cu, “Hi hla in na chimh duhmi message zeidah a si? Zeidah na chim duh? Ka duh lo. Na kan nautat maw?” tiah a tial hi asi. A cunglei kan langhter bantukin Social media ah hi MTV kong he pehtlaih in aa soiseltu an tam ngai cang.
Hi hla saknak ah aa tel vemi hlasakthiam Chan Chan nih cun hi bantukin MTV an tuah dingmi hi theih ning law a hla zong ka sa ve lai lo tiah a chim ve. Hlasakthiam Chan Chan nih hi MTV kong he pehtlaih in interview an tuahnak ah soiselnak tampi a chim ve. A tangah an soisel ngaimi Yone Lay MTV cu zoh chih khawh a si.
Ref: RTD
Leave a Reply