Chin Miphun le AA pehtlainak ah hmun ning aa dang cio ralkap kong nakin ramri kong le miphun kong hi a biapi deuhin biahalnak atuah te ko lai tiah zumh asi. Hi biahalnak nak ahhin ruahnak thatthat le remnak achuahpitu biahalhnak asi ko lai tiah zumh asi. Thil awlte cu asi lo miphun pakhat le pakhat bia ihalhmi hi a haltu caah siseh a lehtu ding caah siseh ralring ngai in an um cio lai tiah ka hmuh. Cu pinah Miphun pakhatpi ralkap hruaitu ralbawizik zong asi caah mifim le upat awktlak asi mi nih bia achimh ding le chin miphun cungah a hmuhning alungput ramri kongah thil dih tein chimh ahau cang caah aa har ngai ko lai.
Biahaltu ding salai za thawng lian zong hi ka kong lam a theihmi kan um lai nain theih lomi kan tam pah ve ko lai tiah ka ruah. Salai za thawng lian hi lautu miphun surngen khuami asi apa hi cozah riantuan asi caah an ngachiat tein thantlang ah an um i cozah riantuan an si caah apa aa tthialhnak Falam ah an itthial than i a tu tiang falam ah anu le apa cu khuasakmi ansi amah salai za thanwng lian American ah aumhmi asi. Salai za thawng lian hi kawlram ah Law Political Science in MA a kai lio ah kwalram chungin monks le students pawl nih duhlonak langterhnak 2007 demonstration ruangah kawlralkap nih tlaih an timh i Malaysia lei a zaam mi asi.
Kawlram a umh lio zongah hruaitu dirhmun tampi cungin miphun lei ram caah thil a tuah pengmi asi. Literature committee le students hruaitu dirhmun in miphun thanchonhnak caah aa zuam taktakmi pasal tha asi. Kawlram um sehlaw MP zong lautu miphun chungin aa cuh ve ding dirhmun a phan khohmi ka u pa asi. Tu lio zawtnak ruangah US in chin miphun tampi ei le ding tete zong a ti khawh tein a bomhmi asi ve. Miphun dawtnak lungput a ngeihmi asi pinah Politics in sianginn kaihmi asi caah tu lio an biahlahnak zong hi ngai a nuam hrim ko lai.
Leave a Reply