Pohma 377 in tazacuai liomi Myanmar Idol Seasom 4 hlasak zuamnak ah aa zuam ve mi Nay Lin Kyaw kong he pehtlaih in a darling Zar Zar Htet nih live video in an sining a chim cang. Phung ning tein aa tthitummi kan si a ti. Atang lei ah a chimmi tampi chung in tlawmpal ka tial i a tangbik ah a video zoh chih ding tar a si.
Ka kong a silo ning in an soisel tuk cang i thutpi men awk a that ti lo caah ka chim cang ko. Cun media pawl nih interview ah ka sining chim ding in nan ka fialmi kan chimh hna lo caah ngaihthiam kan hal hna. Ka chim lonak ruang cu chungkhar kong thlithup a si ruangah si.
2016, 4, Feb, a chuak ni ah thitumhnak minsen kan thuh cang i keimah hi phung ning tein tthitmi a nupi ka si. Cucaah amah kong a chuakmi pawl kong i zeihmanh ka chim ballomi kong zongah nan ka theih thiam laii ka zumh.
Media interview ah ka kong ka chim lomi zong a ruang a um. Chungkhar kong cu media sin kan chimh ruangah a dih kho dingmi a si lo. Zeiruangah a tu lawng a nupi ka sinak kong ka chim ti ahcun, MMID i aa zuam lio ahkhan keimah zong riantuanmi ka si ve caah ka pasal hnahnawhnak pek ka duh lo.
Cu pinah a chungkhar lei nih interview ah a kong chim lo ding le MMID zoh lo ding in an ka nawl caah keimah zong nih dai tein ka ummi a si. Kan pahnih in anuhpinngia riantuanmi kan si caah dai tein ka hngak ko.
MMID aa zuam lio ah sexy model tiah mi tampi nih an ka soisel. Sexy model zong hi hmanthlak caan te lawng ah sexy thil kaa hruk i ka tatawk ka langhter. Tatawk langhter ti zongah hin langhter duhmi paoh nih a ngah lo. A hmape a um lomi lawng nih langhter a ngahmi a si. Cun aho paoh mah limhang i ven cio a si i keimah zong ka limhang aa ven thiammi pakhat ka si ve ko.
Tutan a chimmi cu kan kong a si lo ning in kan ceih hlah uh. Nan kan ceih ahcun hmang liomi upadi ding in taza kan cuai hna lai ti hi a si. A chimmi a tam i tial dih khawh asi deuh lo caah a tang ah a video zoh chih ding tu kan tarpiak chin hna
https://www.facebook.com/z.z.htet.1/videos/1586018594918996/
Source: Zar Htet
Leave a Reply