Tulio Laimi nih a catialnak in kan theih ngaimi polical anylicist ti zong in kan theihmi Pu Zasang Cinzah nih Kawlram ramkhel kong a cuanhning a tial i a facebook ah a tarlangh. Cu a tialmi ah Chin State NLD an thatnak kong tlawmpal a tial hnu ah “Committee an ihruai ning zoh tikah thetse cungah innsak ko an lo” tiah a tial.
CNLD hi Chin Ram bunh Party an si i, MIPHUN Party tiah claim an ituah tikah Chin miphun thinlung ah tampi hmunhma an la. Asinain, an ihruai ning system, an committee zoh ve tikah, chikhat idornak ca men ah riahbuk sakmi an lo ve” tiah a tarlangh.
Cu kong he pehtlaih in Pu Than Hmung nih a tanglei bantukin comment sau nawn in a tial i, NLD hi a thinlung dih lak in a tanh tu asi. A ttanh ning tu cu pa fim asi ban tuk in pawpi rap chiah ban tuk asi” ti zong in a comment ve. Atang lei ah tlin deuh in rel kho ding tar a si.
Pu Than Hmung nih Zasang Cinzah a comment mi tling tein relnak;
Zasang Cinzah hi ka uar tuk mi mino pakhat asi ve. Mifim asi. NLD hi a thinlung dih lak in a tanh tu asi. A ttanh ning tu cu pa fim asi ban tuk in pawpi rap chiah ban tuk asi.
Pawpi rap cu Pawpi nih a hngalhnak hnga lo a po, a hri pawl kha langh loin kan thuh ii a awhnak hri zawn te kha lam ah kan chiah ii vawlei kan khuh i a cung ah tinghnah le ramhring hna kan khuh.
Cu ban tukin NLD a tanhnak kha CNLD nih an hmuh khawh lo nak hnga a thuh caah i lamh sual a fawi te. Pawpi fim nih cun zei tluk kan thuh len zong ah a hngalh ii a hrial ko. Cu ban tuk in Zasang Cinzah a bia zong hi khua a tuak tan mi nih cun fawi tein kan hngal khawh ko.
NLD hi hmai lei an zia i remh hna seh tiah saduh kan thah pi hna lo.Kum nga (Term khat) chung an rian ttuan ning kan duh lo caah Chin NLD hi kan doh mi hna asi. An rian ttuan ning cu hngalh dih asi ko caah ka chim ti lai lo. Kan doh hna zong hi တိုက်စစ် si lo in ခံစစ် tu in asi.
Bible nih lung sau thinfual hi fim asi a ti ko nain paractical ah cun thinfual hi a that nak zong a tam pi nain a chiat nak zong a tam pi ve. Hi tluk in kan ramri kong, kan nunphung kong, kan biaknak kong, kan holh kan ca tiang in a kan nam neh, a kan det khawt cuah mah tu Kawl pawl hi lung i sau ter in term khat kan zoh rih hna lai kan ti ah cun an mah an tthawng chin lai.
Kanmah kan der chin lai i kumnga donghnak ah cun kan pum an kan dolh dih lai i kan lu long a tang lai. Kee lo cun lu long in dir thiam asi lo caah Chin mi cu kan lo cang ti nak a si ko.Cu caah a tu te hin i ven kan herh cang. Chin mi kan him nak ding ah CNLD hi a tha bik ko.
Pu Zasang Cinzah catialmi rel chih ding;
2008 phunghrampi remh khawh hlan chung, Peace Process karlak period chung ahcun, Chin Ram caahhin Chin State NLD hi biapi bik an si tiah ka ruah zungzal. Zeicatiah, Ramsersiam kho ding dirhmun ah dirhmun thabik Party an si. 2015 lio zong ah Mipi nih an zumh ve hna i, majority in teinak an rak pek hna.
Asinain, 2015-2020 karlak an cawlcangh ning le Chin State NLD Committee an ihruai ning zoh tikah thetse/sand cungah innsak ko an lo. A fawinak in chim ahcun term khat lawng a nguhmi committe ko khi ka lawhter hna. 2020 election an von phan i anmah le anmah karlak ah an buaining nih an dirhmun a feh lo ning fiang tuk in a langhter. Cucaah, 2020 election dih ahcun, an Party hi kum saupi a hmun dingmi committee in Reform an tuah a herh in ka hmuh. Abik in Mino aa fitmi tampi recruit an tuah hrimhrim hna a herh hnga.
CNLD hi Chin Ram bunh Party an si i, MIPHUN Party tiah claim an ituah tikah Chin miphun thinlung ah tampi hmunhma an la. Asinain, an ihruai ning system, an committee zoh ve tikah, chikhat idornak ca men ah riahbuk sakmi an lo ve. Election an luh hlan hrim in isiknak nih a tuam colh ve hna. Zeicatiah, a fekmi inn thate in an isak cia lo caah a si.
Election hlan Kum hnih, 2018 lio ah Party 3 an rak ifawnh i hruaitu ithim dingin caan tampi an ngei ko. Asinain Election dih ah convention kan tuah te lai i, cu tikah official in chairman ithimnak zong kan tuah te lai an rak ti. Atu official in ithimmi chairman an ngei rih lo. Party hlun ah chairman pawl kha, an dihlak in an ttuan i, thutnak kha a chang in an ichang.
Zeiruang ahdah a si hnga kan rak ti cio. Asinain, naite ah biafiang a von chuakmi cu CEC chairman cu Automatic in a duhnak hmun paoh ah candidate pek dingin phung an ser caah, an 3 ning in an duhnak hmun paoh ah candidate an hmuh khawhnak hnga, lam an rak isial cia kha a si. Amak ka ti. Cucu, Local EC chairman nih aa copy ve i, Thantlang ah khuaci an mui.
Biafunnak: Chin Ram hruai ningin Political Party a dirhmi paoh nih nan dirhmi Party kha riahbuk sak men in sak ding a si lo. A fekmi, caan saupi tiang a nguhmi, concrete building sak in nan sak cio awk a si tiah ka ruah. Cu tikah, Mipi zong nih an sakmi inn ah raltha tein kan idor ngam hnga. Today political thoughts.
Source: Zasang Cinzah
Leave a Reply