Cuanhnak pakhat nakah cun Cuanhnak hi asi cuanhnak kan ti ahhin hmuh thiamnak hngalh thiamnak le ruanhthiamnak te hna kha abipi mi an si. Zatlang nun aa dawh i aa nuam ding ahcun a pakhat nak a herhmi hi Minung umnak khua le ram hmun le hman khi aa rem I a nuam ahau. Pahnihnak ahcun khuasaknak inn hi asi vawlei cung kan nun chung ahhin khuasaknak inn hi a biapi bikmi asi caah aho paoh nih tthatter le dawhter cu kan I zuam cio mi asi. Ram pakhat ah cozah hi mipi caah a herhmi sianginn le sii zung cozah zung ti bantuk hna khi an sak ve i kan zatlang nun thangchonh tertu le thanchohnak nak caah abiapi mi an si. Cu ve bantukin mipi zong nih mah lei sining cio in thangchonhnak cun kan tuah ve.
Ngandamnak hi pathumnak ah kan chimh lai nain ngandamnak hi minung nunnak ah a biapi bikmi cu a si ve. Kan dam lo hnu ahcun kan nunnak hi zeihman santlainak a ngeih ve ti lo. Kan dam ahcun nun man kan ngeih i kan dam ve lo ahcun nun man zong kan ngeig ve lo cu caah ngandamnak hi a phunphun kan I ven cio ve. Ngandamnak I ven nak ding caah a tha bikmi cu ei le din hi tha tein kan ei kan din kho ahcun ngandamnak caah a tha bik ti si. Cun phaisa nih zulh ve cucaah phaisa hi zatlang nun a thangchonh ter tu asi ve. Phaisa kan ngeih ahcun zei thil paoh kan tuah kho ti tluk khi asi. Phaisa si second pathian ti asi zeitin dah kan zatlang nun thangchonhnak ding ah kan hman lai. Phaisa hi kan nun nak tthap in kan kawl mi phaisa si caah kan nunnak hram pi zong asi ve. Phaisa nih inn le lo a sersiam kho i phaisa nih ei le din tha tha zong a kan pek khotu asi cun khua le ram zong a sersiam kho tu cu phasia hi asi. Phaisa hi nun tthap in kan kawl ve ahau phaisa kan ngeih lo ahcun zatlang nun zong chan bo in kan um lai.
Fimcawnak hi minung nun caah upatnak le rumnak a chuah pi tu asi. Kan bible nih zong fimnak le rumnak le upatnak kha a chuahpi tiah ati. Fimnak hi thangchonhnak lam ah a pakhatnak asi. Minung nun nak ahhin chan khat hnu chan khat in fimnak a sang lengmang ve. Chan a thlen ningin zatlang nun zong a thlen ve. Zatlang nun kan thangchonhter ding ahcun fimnak hi a herh bikmi le hram bik cu asi. Rian hi zatlang nun a thangchonhtertu a si ve. Kan hmuh kho ning ahcun rian vialte hi rian tha an si dih ko. Minung nih rian kan tuan ahhin zuamnak kan ngeih I kan tuan mi rian kha lim kan duh pinah teihnak hmuh kan duh. Teihnak kan hmuh mi nih khan thangchonhnak a kan pek ve. Thanchonhnak kan hmuh mi poah hin kan zatlang nun a kan sersiamtu an si peng ve.
A dongnak ah Phunglam le Khuasaknak tuanbia hi zatlang nun a thanchonhnak a kan peitu an si ve. Minug hi phunlam ngeih loin a nung kho dingmi kan si lo ram kip le miphun kip nih phunlam kan ngeih ve. Hi phunlam nih hi zatlang nun zong a thangchonhter ve. Phunglam tha le dawh aa ngeih mi ram le miphun cu an zatlang nun zong an thangchon deuh hrim ko. Khuasaknak tuanbia hi phundang in kan chim ahcun pupa hna chan kha vun zoh than lengmang ding khi asi. Tthatnak le tthatlonak kha cuaithlai lengmang ding khi ansi. Pupa chan ah biaknak le tu chan kan biaknak kan zoh tikah lawki le khrifah chan in aa dang. Biaknak ah kan tuah mi biaknak a dang cang. Cu nih zatlang nu tampi a changchonhter ve ti hi kan hmuh kho ve. Kan pipu nun phung kan zoh than lengmang a hau tthatnak le dawtnak an tauhmi kha kal tak lo ding si. Nain fimnak le thiam nak nih a phna rik lo caah an tauh mi an manhmi pawl kha cu kan chan nih a kal pi ning tein kan zulh kho ve ding caah zatlang nun thanchonhter ding a si ve.
Leave a Reply