Mizoram khuapi hmasabik Selesih 7000 (Zawlsei) khua ah Ralzaam umhmun tuah a si lai, Kawlram buai ruangah Mizoram lei a rak zaam mi ralzaam hna umhmun cu Mizoram khuapi hmasa bik Selesih 7000 (Zawlsei) khua ah sak a si cang lai. Atu hi hmunhma Zawlsei khuami nih a hmunhma ding an zoh lio a si i, a rauh hlan ah sak khawh a si cang lai tiah theih a si.
Zawlsei khua hi Champhai district khawbung le Khuangthing khua karah a um mi a si. 1980 kum hrawng Mizoram High School cauk ah Mizoram khuapi hmasa bik “Selesih Sangsarih” khua an rak ti mi a rak si.
Zawlsei khua hi Krihfabu pakhat (Mizoram Pesbyterian) lawng um nak khua a si. Mizo lawng khuasak nak khua a si i, atu ah inndong 105 an um tiah theih a si. Crd-the chin post.
Tulio ralhrang an sual ning kong thawng pang hi rak relchap: Mantung ah Ralhrangbu nih Paa a kawlmi Nu 2 an Tlaihhrem, June 14 ah khan Shan ram chaklei Mantung pengah Kachin Lisu nu 2 cu Paa an kawlnak ah ralhrangbu nih an tlaihhrem hna.
Meh a kawl mi nu hna hi kum 26 le kum 20 mi an si. Ralhrangbu hi minung pa zeizat an si, zei tatyin dah an si cu kan thei lo. Nu 2 hna hi an himnak hmunah kan chiah hna tiah khuami pakhat nih a chim.
Kan hnu June 10 zongah phungki inn ah umhmun a khuar mi ralhrangbu pakhat nih kum 13 lawng a si rih mi phungki nu pakhat cu a tlaihhrem ve.Crd-the chin post.
Leave a Reply