Ziang Ruangah Falam Peng Mipi Tampi’n CNLD An Duh Lo: By San Lian Khup
Chinram ah kawl ralkap țih in kan khur, vawi tampi cu ralkap an ra ti an theih veten innsang papawl cu hramlak tivekah an relh. Cuvekih an relh tikah nunau ti um loin Kuli an phur ter.
Culawng si loin Kum 1995-2000 sehvel ahcun, ram ka duhdawt ti aw tu Chin pacang țha tiih rel aw tu Tlawngtapawl (CNF) pawlin kan lai khawte pawl cu in hringhro, an dung hnuah ralkap-in an run dawi leh, tlawngta pawl rawl nan pe, nan khua ah nan riat ter tin khawtlang upa tivek pawl cu kut an rung thlak.
Cuvek dinhmunih rak um kan nulepa, u le tampi thinlungah khai an rak tuarnak pawl, an thin natnak pawl a reh thei nawn lo. Tlawngta hotu rak tuan ih, mai nau le tan tahratih kawlram acozah ih ap-aw (alinvuan) tu Pu No Than Kap ih party a si ruang khalih țan lo tu an tam.
Ziangahtile an parah zumnak an nei ngam nawn lo. Chinram in hruai a si ahcun, peng khat le peng khat buainak a suak sal ding ti khal an phang. Pu No Than Kap hi kan chin miphun hrangih nunnak hlanih chinram duhdawttu a si nan, an rak tuahmi le a nau le pawlin chinram ah mipi harsatnak tamtuk an rak pek ruangah an rinsan ngam nawn lo.
Zalennak (federal) buaipi tum in buainak hmunah in hruai lutin in tanta lala pang kei ti an phang a si bik. Curuangah cuvekih thusau ruattu tampi cun CM Pu Lian Luai vote dingih tha an peknak khal a si. Chin mipi harsatnak hmunih kan luhsal lo nak dingah thudung thuhmai ruatsalin na vote thla aw.
Credit: San Lian Khup
Leave a Reply