Kawlram caan in tuzan cu Khabib Nurmagomedov le Justin Gaethje an i phomh taktak cang lai. UFC 254 ah UFC Lightweight title Championship an iphomh lai.
UFC puai caah tuzan puai biapibik a si lai i tuzan cu vawlei cung nih zoh ding a si lai. Laimi zong nih zoh tlolh lo ding kan siaherh ve hna caah kan van tar piak than hna.
Khabib “The Eagle” hi a sung ballomi a si i tuzan cu defend in aa phomh kho men. Nain Justin “The Highlight” nih cun ahohmanh nih an tei kho rih lomi Russian MMA fighter tei khotu tuanbia tial aa zuam ve te lai caah zoh a nuam khun lai.
Khabib cu UFC Lightweight Champion Coner McGregor a tei hnu ah vawlei cung theih in a hung lar chinchin i UFC ahcun a larbik ah theihmi pakhat zong a si.
Khabib hi puai 28 aa phomh cang i voikhat te hmanh a sungh ballomi record tialtu a si. Cun khatlei in Justin Gaethje zong hi Tony Ferguson a tei hnuah The Interim Champion pakhat a si ve.
A kong lam theih deuh ding ah; Russian Nurmagomedov (kum 32) cu puai 28 puai aa thongh i a sung ballo caah 28-0 record tialtu a si. Cun Justin Gaethje (kum 31) cu puai 22 aa thonghnak ah puai 2 a sung. Hi bantuk minthang hna puai a um lio ah zoh na tlolh sual ahcun khet-ma-hmi-bu ti na si lai caah zoh ve hrim te. Tuzan cu a nuam lai hi.
Ref: Insidesport
Leave a Reply