Zahan ZRA ralhrang hawikom cu CDF-Hualngo le CNA nih an kah hna i an hriamnam an zaam takmi pawl a si. Chelsea Bawi. Video cu a tanf cem ah zoh khawh a si lai. Thawng dang: Kawthaung Ah Pyusawhti Hruaitu Chang A Ruak Laak Ding in A Kalmi Ralkap Bomb Puahhnawh An Ton Caah 8 An Thi. Tanintharyi ramṭhen, Kawthaung peng Khamaukkyi peng ṭhen ah pyusawhti hruaitu chang “San Tin” cu, kan fimhlawm i a meithal M16 A1 zun 2 le zen-kuan tampi kan chuh, tiah Kawthaung peng PDF in ṭuanvo ngeitu pakhat nih a chim.
Febuary 1 zinglei sml 6:20AM hrawng ah Khamaukkyi peng ṭhen, Mayan khuami pyusawhti hruaitu chang “San Tin” cu a inn ah Kawthaung PDF nih an thah i M16 A1 zun 2, kuanbawm pakhat, kuan 28 le nam pathum an chuh, tiah theih a si. Pyusawhti “San Tin” ruak char ding in SAC ralkap 60 hrawng cu motor 2 in Khamaukkyi khua in Mayan khua lei an kal lioah Chanthar le Seikphu khua kar ah bomb in puahhnawh an tong i SAC ralkap 8 an thi, 6 hliamhma an pu, tiah kan theih.
Cu kahdohnak ah Kawthaung peng PDF nih kahdohnak kan tuahmi a si i, Kawthaung peng tualchung mi he pehtlaihnak a ngei lo, tiah an langhter.crd- The Chin Post. Thawng dang: 2023 Nobel Peace Prize ca ah thimmi cazin 5 lakah Myanmar ram aiawhtu Kyaw Moe Htun le NUCC an i tel ve, tiah theih a si. PRIO director Henrik Urdal nih, nuhrin covo lei cawlcangtu hna min cazin 5 cu nizan Febuary 1 ah a langhter, tiah kan theih.
Nobel Peace Prize pek ding ca i aa telmi minung 5 cu “Iran Journalist Narges Mohammadi le Afghanistan Journalist Mahbouba Seraj, Kyaw Moe Htun le NUCC, ICJ, Philipine rammi Victoria Tauli-Corpuz le Ecuador rammi Juan Carlos Jintiach, Nuhrin Covo Checkhlatnak tuahtu phu” hna an si, tiah theih a si. Thimmi 5 langhternak an tuah hi SAC nih nawlngeihnak an laak kum 2 tlin camtuak he aa tong, tiah kan theih.
Kyaw Moe Htun cu SAC ralkap an sualnak le nuhrin covo an buarnak vialte vawleicung nih an hmuh khawh le an theih khawhnak ding UN ah chimphuannak a tuah lengmangtu a si. NUCC cu thimnak ah aiawhtu palai, tlangcung hriamtlai phu, political party, strike committee, zatlang bu hna le bu dangdang tampi he sermi a si, tiah theih a si. crd- The Chin Post. Mah a link hi /steven.c.lian/videos/?idorvanit hmeh piak law video na zoh khawh lai.
Leave a Reply