Nizan October 5, zan suimilam 10pm hrawngah Chin ramkulh Hakha khualipi, Hakha-Kankaw lam ah Gankaw lei in Hakha ah a rak ra mi kei 6 motor a rangmi MDY (3Q/8315) FORLAND pi cu amonghtu pa aa hngih ruangah pe 50 a thuknak horkuang chungah a tla tiah theih a si. Cu motor cang sual ruangah motor monghtu pa cu a hmun ah a nunnak a liam tiah theih a si.
Thil sining cu Gankaw in Hakha ah a rak rami driver U Naing Linn Oo (kum 40 hrawng) nih a monghmi ke 6 motor MDY(3Q/8315)FORLAND pi cu thing a phurmi a s. A monghtu pa aa hngilh i a motor a shing a thing kho lo caah pe 50 hrawng a thuknak horkuang chungah a tla ti si.
Cu motor accident a cannak hmun ah myone fire force usihmu U Siang Nawn Maung nih a hruaimi fire force pawl le mizaw phurnak ambulance pakhat nih a herhmi kawlnak an tuah i driver U Naing Linn Oo cu a lu hliamhma le a cavorhlei a tha hliamhma he a hmun ah a nunnak a liam cia in an hmuh ti si.
U Naing Linn Oo ruak cu Hakha khualipi, cozah siizung ah Hakha District sakhan ambulance in an kuat tiah myone fire force hna sin in theih a si. IPRD Hakha nih an facebook page ah an tarlangh.
Cu motor accident cangsual ruangah motor driver U Naing Linn Oo cu Hakha myoma police station nih upadi pohmah 304-A ning in case an tuah piak tiah theih a si.
Ref: IPRD Hakha
Leave a Reply