Zualko, Mindat kahdohnak ah CDF-Mindat lei in minung 2 an nunnak a Liam

CDF-Mindat le SAC ralkap kahdohnak ah CDF-Mindat lei in minung 2 an nunnak a Liam tiah kan theih. July 23 kahdohnak ah minung pakhat a nunnak a Liam i July 24 kahdohnak ah minung pakhat a nunnak a Liam than tiah kan theih.

Hi kahdohnak ah SAC Ralkap lei in minung tam nawn an thi tiah pawng minung nih an chim nain CDF lei nih phunglut in an thanh rih lo. CDF-Mindat le SAC Ralkap kahdohnak ah CDF-Mindat lei in minung 26 an nunnak a Liam cang tiah kan theih.THT

Hlasak thiam Esther Dawt Chin Sung nih COVID-19 mizaw zohkhennak ca ah tiin Yangon Lai Chiat Tha Bu sin ah tangka sing 5 a bawmh hna tiah kan theih. Hi kong ah Yangon Lai Chiat That Bu upa pakhat a si mi Pu Lian Iap nih a tang lei bantuk in a Facebook cahmai ah a langhter;

Ram chung / Ram leng um mi Laihritlai khat dawtmi U le nau hna nan theih cio ban tuk in Covid -19 Zawtnak ttha lo ruang ah a tu lio Yangon khua chung Nikhat te hmanh ah Minung 1500 leng thlan mual a kan liam tak can a um i Ruak kuang hmanh nih a zo ti lo i Puan in Ruak zual riang mang in Ruak kan vui can hna a tam tuk cu dirhmun kan phan.

Kawlram Minthang hlasakthiam Esther Dawt Chin Sung nih Covid-19 Mizaw mi Dirkamh nak , Lai Chiat That Bu a herh nak hman ding ah Ks 500,000 an kan bawmh. Pathian nih Miphun ca ah cawisang chin ko hna seh. Yangon Lai Chiat That Bu aiawh in kan lunglawmhnak kan langh ter.THT

Leave a Comment

Leave a Reply

Your email address will not be published. Required fields are marked *