Matupi-CDF in Salai Thang Sui a Nunnak a Liam, July 24 ah cangmi kahdohnak ah Matupi-CDF in Salai Thang Sui nih ram le miphun ca ah a nunnak a pek. Salai Thang Sui nih miphun ca ah pumpek ding in bia aa tiam bang in a nunnak a pekmi cung ah Matupi-CDF nih upatnak kan pek i taantakmi chungkhar kan ngaihchiatpi hna,” tiah Matupi-CDF nih upat peknak le ngaihchiatpinak ca an chuah.crd-The Chin Journal.
Ca dang relchap; Biaceih Liio Mi Thongtla 4297 Chuah An Si Cang July 20 ah ralhrangbu nih sualnak 11 in thong a tla lio mi kan chuah hna lai tiin an thanh hnu ah an biaceih lio mi thawngtla a chuak mi 4297 an tling cang tiah ralhrangbu thawngthanhnak nih nihin ah an thanh.
Ralhrangbu nih covid-19 zawtnak puh in July 20 cathanh ah February 1 ralhrangbu nih nawlngeinak a lak hlan i fir, rit-hai si thil kong he tel kn sualnak 11 im thongtla lio mi hna cu chuah an si tiah a ti. Covid-19 zawtnak in thonginn chungah nunnak a liam mi hna an um len caah thongtla hna cu chuah dingin UN nih a nawl nain sualnak cheukhat ruangah thong a tla mi hna lawng a chuah hna.
Ralhrangbu nih thongtla mi hna cu ngandamnak lei zohkhenhnak tha tein a pek hna lo ruangah thongtla mi tampi an thi tiah theih a si.NLD CEC chungtel U Ngyan Win zong covid-19 zawtnak in July 20 ah khan thonginn ah a nunnak a liam. July 23 Insein thonginn ah mizaw hna zohkhenhnak tha pek dingin ramkhel kongah ralhrangbu nih thong a thlak mi hna nih duhlonak an langhter ruangah cheukhat cu fak piin an hrem hna tiah theih a si.
Leave a Reply