Zualko,,Ralkap Nih Mipi 11 An Thah + Video

Sagaing ram kulh, Kani peng khua te pakaht ah ral ruangah a zam mi a tlawm bik minung 11 hrawng cu ralhrang rallokap pawl nih ram lak ah an thah hna I lei tang ah an phunh hna tiah thei a si. July 27 nii ah khua mi hna nih an kawl I ruak an hmuh cang mi hna cu lei tangah an phumh mi pa 4 le hriawk in an thah mi kum 60 pa pakhat hna an si. Mi thi hna pum cung ah hliamhma an hmuh ning cu fak taktak in an hrem hna hnu ah meithlah in an kah thanh hna tiah khua mi nih an chim.

Ralhrang nih an thah mi hna hi khua zei an si ti an thei kho rih lo. Hi hlan zong ah ralhrang hna nih Kani peng khua te pakhat ah a tlawm bik minung 15 hrawng an rak thah bal cang tiah khit thit media nih a lang ter. A tang ah hin ruak an lak lio video kan van in chiah piak hna. Zoh duh mi nih mah a link hi khitthitnews/videos/ hmeh piak law video na zoh khawh lai.

Thawng dang: Myanmar – Bangladesh chawlehnak Lam Khar A Si Covid zawtnak zual lei a phanh chin lengmang caah Kawlram le Bangladesh ram pahnih chawlehnak (border trade) cu dinhter chung a si hnuah ni khiahmi um lo in khar a si. Bangladesh lei ah thilri (commodities) phorh nak Sittwe Shwe Min Gan chawlehnak sakhan le.

Mongtaw Ka Ngin Chong chawlehnak sakhan hna cu July 15 in 31 tiang kharchung dingin timh a si nain atu cu khar lawlaw a hau cang tiah Rakhine ralhrangbu council chungtel U Than Htun nih a chim. Ramhnih chawlehnak lam hi covid voi 1 nak le voi 2 nak a phanh lio 2020 kum cheuh hrawngin khar a si i, ralhrangbu nih uknak a lakh nu April 13 ah hon than a si i, April le May thla 2 chungah US dollar 4383057.79 man tiang chawlehnak a kal hmanh tiah Rakhine ralhrangbu council nih a chim.

Mah chawlehnak lam in a lut mi hi T-Shirt, Plastic Water Tank, Metal Water Pot, PVC Tank, Iron Road, Wheat hna a si i, Kawlram leiin a chuak mi hi thingthei, Nga, Pe, Ongti, Coffee mix, Hri le ei mi thil pawl an si. Kawlram in kuat mi hi US dollar 4344124. 19 man le a lut mi hi US dollar 38933.60 man a si tiah theih a si. Chawlehnak lam an khar mi kong he pehtlaih in sipuazi riantuan U Khin Maung Kyi nih ‘covid lio a si caah chawlehnak hmun le hmun dangdang riantuan hna zong an har cio mi a si.

Mah hi cozah, chawlehnak rianngeitu hna zong nih timhtuahnak tha in tuah a herh. Covid a karh deuh ahcun kan har chinchin te lai.Mah caah cozah nih aw-ka lawng si loin a taktak in a kan ruah piak a hau tiah a chim. Rakhine ram ah covid zawtnak hi Bangladesh leiin a rak kir mi lawngpu hna sinin hmuh a si hnuah a chawn mi a si i, July 29 tiangah mi 160 leng an thi cang i zohkhenhlio mi 800 leng an um tiah theih a si.

Atu hi Rakhine ramkulh chungah hmundang bantukin Bank in phaisa chuah a har ruang le rian tampi dinter a si i, cozah zung hna an khar caah rian ngeilo mi an tam. Sii, ei din le thilman zong a kai tikah mipi harsatnak zong nikhat hnu nikhat a zual lei a panh thluahmah tiah theih a si.crd- the chin post.

Leave a Reply

Your email address will not be published. Required fields are marked *